മലപ്പുറം: തിരൂർ തെയ്യാല പറപ്പാറപ്പുറത്ത് കിണറ്റില്‍ വീണ നായയെ രക്ഷിക്കുന്നതിനിടെ മുകളില്‍ നിന്ന് കല്ല് തലയിലേക്ക് വീണ് ഗുരുതരമായി പരിക്കേറ്റ സന്നദ്ധ പ്രവർത്തകൻ മരിച്ചു.തിരൂര്‍ മങ്ങാട് സ്വദേശി നൗഷാദാണ് (44) മരിച്ചത്.മലപ്പുറം ജില്ല എമര്‍ജന്‍സി റെസ്ക്യൂ ടീമിലെ സന്നദ്ധപ്രവര്‍ത്തകനായിരുന്നു.
ഗുരുതരമായി പരിക്കേറ്റ നൗഷാദിനെ ഉടൻതന്നെ കോട്ടക്കലിലെ സ്വകാര്യ ആശുപത്രിയിലും തുടര്‍ന്ന്, കോഴിക്കോട് മെഡിക്കല്‍ കോളജിലേക്ക് മാറ്റുകയും ചെയ്തെങ്കിലും രക്ഷിക്കാനായില്ല.
