കാര്യമായ സാമ്പത്തിക പ്രയാസങ്ങളൊന്നുമില്ലാതിരുന്ന കോഴിക്കോട് കൊയിലാണ്ടി ചേലിയ സ്വദേശിനിയായ ബിജിഷ (31) കഴിഞ്ഞ ഡിസംബര്‍ 11നാണ് ആത്മഹത്യ ചെയ്തത്.സ്വന്തം വീട്ടില്‍ തൂങ്ങിമരിച്ച നിലയില്‍ കണ്ടെത്തുകയായിരുന്നു.ഇതിനു പിന്നാലെ മരണത്തിൽ ദുരൂഹത ഉണ്ടെന്ന ആരോപണവുമായി നാട്ടുകാര്‍ ആക്‌ഷൻ കമ്മറ്റി രൂപീകരിക്കുകയും മുഖ്യമന്ത്രിക്ക് അടക്കം പരാതി നൽകുകയും ചെയ്തിരുന്നു.ആത്മഹത്യ എന്നെഴുതി തള്ളിയ ലോക്കൽ പോലീസിൽ നിന്നും പിന്നീട് ക്രൈംബ്രാഞ്ച് കേസ് ഏറ്റെടുക്കുകയായിരുന്നു.
