കണ്ണൂര്‍: കെ റെയില്‍ വിരുദ്ധ സമരത്തിന്റെ പേരില്‍ രണ്ടാം വിമോചന സമരത്തിനാണ് ശ്രമിക്കുന്നതെന്ന് സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. ചങ്ങനേശ്ശേരി വിമോചന സമരത്തിന്റെ കേന്ദ്രമാക്കി മാറ്റാനാണ് തീരുമാനം. കേന്ദ്രമന്ത്രി, മതമേലധ്യക്ഷന്മാര്‍, സമുദായ നേതാവ് എന്നിവര്‍ ഉള്‍പ്പെടെ പലരും അവിടെയെത്തി. എന്നാല്‍ 1957-59 കാലമല്ല ഇതല്ലെന്ന് ഓര്‍ക്കണമെന്നും കോടിയേരി പറഞ്ഞു. നൂറുകൊല്ലം മുമ്പ് നടത്തേണ്ട സമരം ഇക്കാലത്ത് നടത്തിയിട്ട് കാര്യമില്ല. കല്ലെടുത്തുകൊണ്ട് പോയാല്‍ കണ്ടുപിടിക്കാന്‍ പ്രയാസം ആണ്. സമരം നടത്തി സമയം കളയാതിരിക്കുകയാണ് നല്ലതെന്നും കോടിയേരി പരിഹസിച്ചു.
