പച്ചക്കറികൾക്കു വലിയ വിലക്കയറ്റമാണ് ഇപ്പോഴുള്ളതെങ്കിലും ഇതിൽ തക്കാളിയുടെ വിലയാണ് ഇപ്പോൾ കേരളത്തിലും തമിഴ്നാട്ടിലുമുൾപ്പെടെ പ്രധാന ചർച്ചാവിഷയം.സമൂഹമാധ്യമങ്ങളിൽ വൈറലാണ് തക്കാളി വിലയിലെ ട്രോളുകൾ.അതിലൊന്നാണ് തക്കാളി മുറിച്ചും കൊടുക്കപ്പെടും എന്നത്.
തുടർച്ചയായി പെയ്ത കനത്തമഴയിൽ തക്കാളിത്തോട്ടങ്ങളിൽ മിക്കതും തണ്ടുചീഞ്ഞും കീടങ്ങൾ കൊണ്ടും നശിച്ചതുമാണ് ഈ സ്ഥിതിവിശേഷത്തിന് വഴിതെളിച്ചത്. ഇത്ര പ്രതികൂലമായ അന്തരീക്ഷം താങ്ങാൻ തക്കാളിക്ക് കഴിയില്ല.തക്കാളിക്കെന്നല്ല മറ്റു പല പച്ചക്കറികൾക്കും.മുറ്റത്തൊരുമുറം കൃഷിയും അടുക്കളത്തോട്ടവും ടെറസ്സ് കൃഷിയുമൊക്കെയായി കേരളം കഴിഞ്ഞ സീസണിൽ പച്ചക്കറി വിലയെ നേരിട്ടെങ്കിലും ഇത്തവണ ഇവിടെയും മഴ പണിപറ്റിച്ചു.
