Breaking NewsKeralaLead NewsNEWS
കോട്ടയത്ത് കാറും തടിലോറിയും കൂട്ടിയിടിച്ച് അപകടം; ഒരു മരണം, രണ്ടുപേര്ക്ക് പരിക്ക്
കോട്ടയം: ചിങ്ങവനത്ത് കാറും തടികയറ്റി വന്ന ലോറിയും കൂട്ടിയിടിച്ച് യുവാവ് മരിച്ചു. ചിങ്ങവനത്ത് വാടകയ്ക്ക് താമസിക്കുന്ന മാര്ത്താണ്ഡം സ്വദേശി വിജയകുമാര് (40) ആണ് മരിച്ചത്. ഒപ്പമുണ്ടായിരുന്ന രണ്ട് സുഹൃത്തുക്കള്ക്കും പരിക്കേറ്റു.
വെള്ളിയാഴാച രാത്രി 12.30-ഓടെ ആയിരുന്നു അപകടം. അമിത വേഗതയില് എത്തിയ കാര് ദിശ തെറ്റി ലോറിയില് ഇടിച്ചാണ് അപകടമുണ്ടായതെന്ന് പോലീസ് വ്യക്തമാക്കി.
പരിക്കേറ്റവരെ അടുത്തുള്ള ആശുപത്രിയില് പ്രവേശിപ്പിച്ചു. മരിച്ച വിജയകുമാര് ഇലക്ട്രീഷ്യനാണ്. ഇയാളുടെ മൃതദേഹം കോട്ടയം മെഡിക്കല് കോളേജ് മോര്ച്ചറിയിലേക്ക് മാറ്റി.
