അറ്റകുറ്റപ്പണിയില് പുരോഗതി; ബ്രിട്ടന്റെ യുദ്ധ വിമാനം അടുത്തയാഴ്ച പറക്കും; ലാന്ഡിംഗിനു ശേഷം ഹൈഡ്രോളിക് സിസ്റ്റത്തിനു തകരാര്; വിവരങ്ങള് പുറത്തുവിട്ട് പ്രതിരോധ ഉപദേഷ്ടാവ്; ഇന്ത്യക്കു നന്ദിയെന്നും ക്രിസ് സോണ്ടോഴ്സ്
തിരുവനന്തപുരം: കേരളത്തില് ആഴ്ചകളായി കുടുങ്ങിക്കിടക്കുന്ന ബ്രിട്ടന്റെ എഫ് 35 യുദ്ധ വിമാനം അടുത്തയാഴ്ച നാട്ടിലേക്കു പറക്കും. പതിവ് പറക്കലിനിടെ സാങ്കേതിക തകരാറുണ്ടായ ലോകത്തെ ഏറ്റവും വിലയേറിയ യുദ്ധവിമാനം യുകെയിലെ എന്ജിനീയര്മാര് പരിശോധിക്കുകയാണെന്നും അറ്റകുറ്റപ്പണികള് ആരംഭിച്ചെന്നും അസോസിയേറ്റഡ് പ്രസ് റിപ്പോര്ട്ട് ചെയ്തു.
അറ്റകുറ്റപ്പണികള് അടുത്തയാഴ്ച അവസാനിക്കും. സി-17 ഗ്ലോബ്മാസ്റ്റര് ട്രാന്സ്പോര്ട്ട് വിമാനത്തില് കൊണ്ടുപോകാനും സാധ്യതയുണ്ട്. ഇന്ത്യ നല്കിയ പിന്തുണയ്ക്കു നന്ദിയറിയിച്ചു കൊണ്ട് എക്സില് എഴുതിയ കുറിപ്പിലാണ് വിമാനത്തിന്റെ അറ്റകുറ്റപ്പണിയുടെ പുരോഗതി പ്രതിരോധ ഉപദേഷ്ടാവ് കൊമോഡോര് ക്രിസ് സോണ്ടേഴ്സ് പുറത്തുവിട്ടത്.
‘യുകെയിലെ എഫ്-35ബി വിമാനത്തിന്റെ അറ്റകുറ്റപ്പണികള് ആരംഭിക്കാന് യുകെ എഞ്ചിനീയര്മാരുടെ ഒരു സംഘം ഇന്ത്യയിലുണ്ട്. ഹാംഗറിലേക്കു മാറ്റിയ വിമാനത്തിന്റെ അറ്റകുറ്റപ്പണി പുരോഗമിക്കുകയാണ്. ഇന്ത്യന് അധികൃതരുടെ പിന്തുണയ്ക്കു നന്ദി’യെന്നും എക്സില് കുറിച്ചു. അറ്റകുറ്റപ്പണികള് പൂര്ത്തിയായ ശേഷം, എഫ്-35 ബി സി-17 ഗ്ലോബ്മാസ്റ്റര് പൊളിച്ചുമാറ്റാന് സാധ്യതയുണ്ടെന്ന് എന്ഡിടിവി റിപ്പോര്ട്ട് ചെയ്തിരുന്നു. ഇതില് വസ്തുതയില്ലെന്ന് അസോസിയേറ്റഡ് പ്രസിന്റെ റിപ്പോര്ട്ടില് പറയുന്നു.
UPDATE: A team of UK engineers has arrived in India to commence repairs on the UK F35B aircraft. Repairs are underway on the aircraft, which has now been moved to the maintenance hangar. We are grateful for the continued support and collaboration of the Indian authorities. pic.twitter.com/WD0pmkiLNH
— UK Defence in India (@UKDefenceIndia) July 7, 2025
വിമാനത്തിലെ സ്റ്റെല്ത്ത് സാങ്കേതിക വിദ്യ ചോരുമെന്ന ഭയത്തിലാണ് ഇന്ത്യയുടെ സഹായം തേടുന്നതില്നിന്ന് ബ്രിട്ടീഷ് അധികൃതര് പിന്നാക്കം പോയത്. റഡാറുകളുടെ പിടിയില് പെടാതിരിക്കാനുള്ള അതിനൂതന സംവിധാനമാണിത്. ജൂണ് 14ന് കേരളത്തില് അടിയന്തര ലാന്ഡിംഗ് നടത്തിയശേഷം ഹാംഗറിലേക്കു മാറ്റണമെന്ന ഇന്ത്യയുടെ നിര്ദേശം അംഗീകരിക്കാതിരുന്നതും ഇക്കാരണത്താലാണ്.
ലാന്ഡിംഗിന് ശേഷം വിമാനത്തിന് ഹൈഡ്രോളിക് സിസ്റ്റത്തിനു തകരാറു പറ്റിയെന്നാണു റിപ്പോര്ട്ട്. ഇത് ലാന്ഡിംഗ് ഗിയര്, ബ്രേക്കുകള്, നിയന്ത്രണ പ്രതലങ്ങള് തുടങ്ങിയ നിര്ണായക ഘടകങ്ങളെ ബാധിക്കും. കാരിയര് സ്ട്രൈക്ക് ഗ്രൂപ്പിലെയും ആര്എഎഫ് ടീമിലെയും സാങ്കേതിക വിദഗ്ധര് ഒന്നിലധികം തവണ ശ്രമിച്ചിട്ടും, അറ്റകുറ്റപ്പണികള് പ്രതീക്ഷിച്ചതിലും കൂടുതല് സമയമെടുത്തതിനാല് വിമാനം പൊളിച്ചുമാറ്റി ഒരു ഗതാഗത വിമാനത്തില് തിരികെ പറത്തേണ്ടിവരുമെന്ന അഭ്യൂഹങ്ങള്ക്ക് കാരണമായി.
യുഎസ് ആസ്ഥാനമായുള്ള ലോക്ക്ഹീഡ് മാര്ട്ടിന് നിര്മ്മിക്കുന്ന എഫ്-35 ബി, ഷോര്ട്ട് ടേക്ക്-ഓഫ്, ലംബ ലാന്ഡിംഗ് പ്രവര്ത്തനങ്ങള്ക്ക് പ്രാപ്തമാണ്. സ്റ്റെല്ത്ത് ഡിസൈനിനും നൂതന ഏവിയോണിക്സിനും പേരുകേട്ട ഈ ജെറ്റ് നാറ്റോ വ്യോമശക്തിയുടെ ഒരു പ്രധാന ഘടകമാണ്. കൂടാതെ യുഎസ്, യുകെ, ഇറ്റലി എന്നിവയുള്പ്പെടെ നിരവധി രാജ്യങ്ങള് വിമാനം ഉപയോഗിക്കുന്നു.
British F-35 fighter jet stuck in Kerala may finally fly out next week
