കൊച്ചി: കോതമംഗലം പോലീസ് സ്റ്റേഷനിലെ എസ്‌ഐയെ കണ്ടെത്തി.എസ്ഐ ഷാജി പോളിനെയാണ് കഴിഞ്ഞ ദിവസം മുതൽ കാണാതായത്. മുന്നാറിലെ ലോഡ്ജില്‍ നിന്ന് ഇന്ന് രാവിലെയാണ് ഇയാളെ കണ്ടെത്തിയത്.
സംഭവത്തില്‍ കേസെടുത്ത പോത്താനിക്കാട് പോലീസ് നടത്തിയ അന്വേഷണത്തിലാണ് എസ്‌ഐയെ കണ്ടെത്തിയത്. ടവര്‍ ലൊക്കേഷന്‍ കേന്ദ്രീകരിച്ച്‌ നടത്തിയ അന്വേഷണമാണ് വഴിത്തിരിവായത്.
ഏപ്രില്‍ 30ന് രാവിലെ കോതമംഗലം സ്റ്റേഷനിലേക്ക് ഡ്യൂട്ടിക്ക് പോകുകയാണെന്ന് പറഞ്ഞ് വീട്ടില്‍ നിന്നിറങ്ങിയതായിരുന്നു ഷാജി പോള്‍. എന്നാല്‍ എസ്ഐ സ്റ്റേഷനിലോ വീട്ടിലോ എത്തിയിട്ടില്ലെന്ന് അറിഞ്ഞതോടെ കാന്മാനില്ലെന്ന് പറഞ്ഞ് ഭാര്യ പോത്താനിക്കാട് പോലീസില്‍ പരാതിപ്പെടുകയായിരുന്നു.
