കോട്ടയം: മംഗളൂരു-കോട്ടയം-മംഗളൂരു റൂട്ടില്‍ ശനിയാഴ്ചകളില്‍ പ്രത്യേക തീവണ്ടി (06075/06076) ഓടിക്കും.ഏപ്രില്‍ 20 മുതല്‍ ജൂണ്‍ ഒന്നുവരെയുള്ള ശനിയാഴ്ചകളിലാണ് സർവീസ്.
രാവിലെ 10.30-ന് മംഗളൂരുവില്‍നിന്ന് പുറപ്പെടും. രാത്രി 7.30-ന് കോട്ടയത്ത് എത്തും. ശനിയാഴ്ച രാത്രി 9.45-ന് തിരിച്ച്‌ പുറപ്പെടും. ഞായറാഴ്ച രാവിലെ 6.55-ന് മംഗളൂരുവില്‍ എത്തും. കാസർകോട്, കണ്ണൂർ, കോഴിക്കോട്, ഷൊർണൂർ, തൃശ്ശൂർ, എറണാകുളം എന്നിവിടങ്ങളിലാണ് സ്റ്റോപ്പുകള്‍.
21 കോച്ചുള്ള വണ്ടിയില്‍ 19 എണ്ണം സ്ലീപ്പറാണ്.
