തിരുവനന്തപുരം നെയ്യാറ്റിൻകരയില്‍ കെഎസ്ആർടിസി ബസ് ഇടിച്ച്‌ സ്കൂട്ടർ യാത്രക്കാരിക്ക് ദാരുണാന്ത്യം. മാറനല്ലൂര്‍ കൂവളശ്ശേരി നവോദയ ലെയിന്‍ ബ്ലസിങ് ഹൗസില്‍ എസ് ഷീജ (43) ആണ് മരിച്ചത്.
നെയ്യാറ്റിന്‍കര പെട്രോള്‍ പമ്ബിന് എതിര്‍വശത്തായിരുന്നു അപകടം.ബസ് തട്ടി റോഡില്‍ തെറിച്ചുവീണ ഷീജയുടെ തലയിലൂടെ ബസ് കയറിയിറങ്ങുകയായിരുന്നു. ബസും സ്‌കൂട്ടറും നെയ്യാറ്റിന്‍കരയില്‍ നിന്നും പാറശ്ശാല ഭാഗത്തേയ്ക്ക് പോകുകയായിരുന്നു.
പൊലീസെത്തി ഷീജയെ ആശുപത്രിയിലെത്തിച്ചെങ്കിലും അപ്പോഴേക്കും മരിച്ചിരുന്നു. കളിയിക്കാവിളയിലേയ്ക്ക് സര്‍വീസ് നടത്തിയ പാപ്പനംകോട് ഡിപ്പോയുടെ ബസാണ് അപകടത്തിനിടയാക്കിയത്.
