കെ ടി ഡി സിയുടെ വിവിധ റിസോർട്ടുകളില്‍ നിരവധി ഓഫറുകളാണ് അന്നേദിവസം പ്രഖ്യാപിച്ചിരിക്കുന്നത്. മാർച്ച് 3 മുതല്‍ 10 വരെ വനിതകള്‍ക്കായി മാത്രമാണ് ഓഫറുകള്‍ നല്‍കുന്നത്. താമസവും ഭക്ഷണവുമെല്ലാം അതിഗംഭീരമാക്കി തീർക്കാനുള്ള മികച്ച ഓഫറുകളാണ് കെ ടി ഡി സി അവതരിപ്പിച്ചിരിക്കുന്നത്.
കെ ടി ഡി സിയുടെ കോവളത്തെ സമുദ്ര റിസോർട്ട്, കുമരകം വാട്ടർസ്കേപ്പ്സ്, ആരണ്യ നിവാസ് തേക്കടി, തിരുവനനന്തപുരത്തെ മസ്ക്കറ്റ് ഹോട്ടല്‍ എന്നീ തിരഞ്ഞെടുക്കപ്പെട്ട റിസോർട്ടുകളിലാണ് വനിതകള്‍ക്ക് മാത്രമായി പ്രത്യേക ഓഫറുകള്‍ അവതരിപ്പിച്ചിരിക്കുന്നത്. ‘സെലിബ്രേറ്റ് ഹേർ’ എന്ന് പേരില്‍ പ്രത്യേക കാമ്ബെയ്നാണ് നടത്തുന്നത്.
ഇത് പ്രകാരം ബുക്ക് ചെയ്യുന്നവർക്ക് മുറി വാടകയ്ക്ക് 50 ശതമാനവും ഭക്ഷണത്തിന് 20 ശതമാനവും ഇളവ് ലഭിക്കും. ആഡംബര റിസോർട്ടുകളില്‍ മാത്രമേ ഇത്തരം ഓഫറുകള്‍ ലഭിക്കൂ എന്ന് തെറ്റിധരിക്കേണ്ട, ഇവയ്ക്ക് പുറമെ കെ ടി ഡി സിയുടെ ബജറ്റ് റിസോർട്ടുകളിലും ഈ കിടിലൻ ഓഫറുകള്‍ യാത്രികരായ സ്ത്രീകള്‍ക്ക് പ്രയോജനപ്പെടുത്താൻ സാധിക്കും.
പൊൻമുടി ഗോള്‍ഡൻ പീക്ക്, വയനാട് പെപ്പർ ഗ്രൂവ്, മലമ്ബുഴ ഗാർഡൻ ഹൗസ്, തേക്കടി പെരിയാർ ഹൗസ്, കുമരകം ഗേറ്റ് വേ, റിപ്പിള്‍ ലാൻഡ് ആലപ്പുഴ, ലൂം ലാൻഡ് കണ്ണൂർ, ഫോക്ക് ലാൻഡ് പറശ്ശിനിക്കടവ്, നന്ദനം ഗുരുവായൂർ തുടങ്ങിയ സ്ഥലങ്ങളിലെല്ലാം ഈ ഓഫറുകള്‍ ഉണ്ട്. ഇത്രയും മികച്ച ഓഫറുകള്‍ ലഭിക്കുമ്ബോള്‍ എന്തിന് അവസരങ്ങള്‍ ഉപയോഗപ്പെടുത്താതിരിക്കണം അല്ലേ? സുരക്ഷിതമായ താമസവും ഭക്ഷണവുമെല്ലാം വേണ്ടുവോളം ആസ്വദിച്ച്‌ നിങ്ങളുടെ ഇഷ്ട ഡെസ്റ്റിനേഷനുകള്‍ തിരഞ്ഞെടുക്കൂ, ഈ വനിതാ ദിനം അടിപൊളിയാക്കൂ….
അതേസമയം വനിതാ ദിനത്തിൽ യാത്ര ചെയ്യാൻ പ്ലാൻ ചെയ്യുന്നവർക്കായി കെഎസ്ആർടിസിയും സേവനമൊരുക്കിയിട്ടുണ്ട്. കെഎസ്ആർടിസി ബസ് വാടകയ്ക്ക് എടുത്ത് പോകുന്നതിനുള്ള സൗകര്യമാണ് സജ്ജമാക്കിയിരിക്കുന്നത്.
മാർച്ച് എട്ടിനാണ് ലോക വനിതാ ദിനം. ഈ ദിവസത്തിൽ വനിതകൾക്ക് മാത്രമായാണ് കെഎസ്ആർടിസി വിനോദ യാത്രകൾ ഒരുക്കിയിരിരക്കുന്നത്.ജനപ്രിയ വിനോദസഞ്ചാര റൂട്ടുകളിലേക്ക് പുറമെ വനിതാ ഗ്രൂപ്പുകൾ ആവശ്യപ്പെടുന്ന സ്ഥലങ്ങളിലേക്കും ബജറ്റ് ടൂറിസം സെല്ലിന്റെ നേതൃത്വത്തിൽ യാത്ര ചെയ്യാം. മാർച്ച് എട്ട് മുതൽ ഒരാഴ്ച സമയത്തേക്കാണ് വനിതകൾ ആവശ്യപ്പെടുന്ന ഇടങ്ങളിലേക്ക് യാത്ര പോകാൻ സാധിക്കുന്നത്. മുൻകൂട്ടി ബുക്ക് ചെയ്ത് കെഎസ്ആർടിസി ബജറ്റ് ടൂറിസം സെൽ നടത്തുന്ന വിനോദ യാത്രകളിൽ പങ്കെടുക്കുന്നതിനുള്ള സൗകര്യവും സജ്ജമാക്കിയിട്ടുണ്ട്.
വനിതാ ദിനത്തോടനുബന്ധിച്ച് സംസ്ഥാനത്തെ എല്ലാ കെഎസ്ആർടിസി യൂണിറ്റുകളിൽ നിന്നും വണ്ടർ ലായിലേക്ക് സ്പെഷ്യൽ സർവീസ് നടത്തുന്നു. വനിതാ ദിനത്തിന്റെ ഭാഗമായി കെഎസ്ആർടിസി പാക്കേജിൽ വരുന്ന വനിതകൾക്ക് നിരക്കിളവും നൽകിയിട്ടുണ്ട്. യാത്രയിൽ പത്ത് വയസ് വരെ പ്രായമുള്ള ആൺകുട്ടികളെയും ഒപ്പം കൂട്ടാവുന്നതാണ്.
ആലപ്പുഴ കെഎസ്ആർടിസി വനിതാ ദിന യാത്രകൾ
ആലപ്പുഴ കെഎസ്ആർടിസിയുടെ നേതൃത്വത്തിൽ വനിതാ ദിനത്തിന്റെ ഭാഗമായി വിവിധ ഇടങ്ങളിലേക്ക് യാത്രകൾ സജ്ജമാക്കിയിട്ടുണ്ട്. ഗവി, മാമലക്കണ്ടം, മൂന്നാർ, ചതുരംഗപ്പാറ, മറയൂർ, കാന്തല്ലൂർ, പൊ്ന്മുടി, അടവി, തെന്മല, മലക്കപ്പാറ, വാഗമൺ, പരുന്തുംപാറ എന്നീ സ്ഥലങ്ങളിലേക്കും യാത്രകൾ സജ്ജമാക്കിയിട്ടുണ്ട്. കൂടുതൽ വിവരങ്ങൾക്കും ബുക്കിംഗിനും 9846475874 എന്ന നമ്പറിൽ ബന്ധപ്പെടാവുന്നതാണ്.
