ആലപ്പുഴ: വെള്ളക്കെട്ടില്‍ വീണ് പാട്ടക്കൃഷി കര്‍ഷകന്‍ മരിച്ചു. തലവടി 10ാം വാര്‍ഡ് മണലേല്‍ മാമൂട്ടില്‍ വിജയപ്പനാണ് (56) മരിച്ചത്.
വ്യാഴാഴ്ച രാവിലെ തോട്ടുവക്കില്‍ നിന്നും സൈക്കിള്‍ കണ്ടതിനെ തുടര്‍ന്ന് നടത്തിയ പരിശോധനയിലാണ് മൃതദേഹം കണ്ടെത്തിയത്.
ഇയാൾ രാത്രി തലവടി പുതുപ്പറമ്ബ് ഭഗവതി ക്ഷേത്രത്തിലെ ഉത്സവത്തില്‍ പങ്കെടുക്കാന്‍ പോയിരുന്നതായി വീട്ടുകാർ പറയുന്നു. തിരികെ വീട്ടിലേക്ക് സൈക്കിളില്‍ വരുന്നതിനിടെ റോഡിലെ ഹംപില്‍ തട്ടി സൈക്കിള്‍ മറിഞ്ഞ് വെള്ളക്കെട്ടില്‍ വീണതാകാം മരണകാരണമെന്നാണ് പ്രാഥമികമായി വിലയിരുത്തുന്നത്.പോലീസ് അന്വേഷണം ആരംഭിച്ചിട്ടുണ്ട്.
