തിരുവനന്തപുരം: ഗവര്‍ണറുടെ അറ്റ് ഹോം സല്‍ക്കാരത്തിന് സര്‍ക്കാര്‍ 20 ലക്ഷം രൂപ അനുവദിച്ചു. റിപ്പബ്ലിക് ദിനത്തില്‍ പൗരപ്രമുഖര്‍ക്ക് വിരുന്നൊരുക്കാനായാണ് രാജ്ഭവന് സര്‍ക്കാര്‍ പണം അനുവദിച്ചിരിക്കുന്നത്. ഇത് സംബന്ധിച്ച ഉത്തരവ് ധനവകുപ്പ് പുറത്തിറക്കി.
ട്രഷറി നിയന്ത്രണത്തില്‍ ഇളവ് വരുത്തിക്കൊണ്ടാണ് പണം അനുവദിച്ചിരിക്കുന്നത്. വിരുന്നിലേക്ക് മുഖ്യമന്ത്രി അടക്കമുള്ളവരെ ക്ഷണിച്ചേക്കും. സര്‍ക്കാര്‍- ഗവര്‍ണര്‍ പോരിനെ തുടര്‍ന്ന് കഴിഞ്ഞ ക്രിസ്മസിന് രാജ്ഭവനില്‍ നടന്ന വിരുന്നില്‍ മുഖ്യമന്ത്രി പങ്കെടുത്തിരുന്നില്ല.
എന്നാല്‍, നിയമസഭാ സമ്മേളനം നടക്കാനിരിക്കെ നയപ്രഖ്യാപന പ്രസംഗത്തിനെത്തുന്ന ഗവര്‍ണര്‍ മുഖ്യമന്ത്രിയെയും മന്ത്രിമാരെയും അറ്റ് ഹോം വിരുന്നിലേക്ക് ക്ഷണിച്ചേക്കുമെന്നാണ് സൂചന.
