മലപ്പുറം: കാവനൂരില്‍ നിയന്ത്രണംവിട്ട കാര്‍ ഗേറ്റ് തകർത്ത് വീട്ടു മുറ്റത്ത് നിര്‍ത്തിയിട്ട മറ്റൊരു കാറിലേക്ക് ഇടിച്ച്‌ കയറിയെങ്കിലും ഡ്രൈവർ അത്ഭുതകരമായി രക്ഷപ്പെട്ടു.
ബുധനാഴ്ച രാവിലെ 7 ഓടെയാണ് സംഭവം. കാവനൂര്‍ കിഴിശ്ശേരി റോഡിലെ ഇല്ലിക്കല്‍ ഉമ്മറിന്റെ വീട്ടിലേക്കാണ് നിയന്ത്രണം വിട്ട കാര്‍ ഇടിച്ചുകയറിയത്. വീട്ടുമുറ്റത്ത് ആരും ഉണ്ടായിരുന്നില്ലെന്നതിനാല്‍ വന്‍ അപകടമാണ് ഒഴിവായത്.
കാറില്‍ മറ്റു യാത്രക്കാര്‍ ആരും ഉണ്ടായിരുന്നില്ല. അപകടത്തിന്റെ സി.സി.ടി.വി ദൃശ്യങ്ങള്‍ പുറത്തുവന്നിട്ടുണ്ട്. വീടിന്റെ മുന്‍വശത്തുള്ള റോഡില്‍ വെച്ച്‌ കാര്‍ തിരിക്കുന്നതിനിടയിലാണ് നിയന്ത്രണം വിട്ട് വീട്ടിലേക്ക് ഇടിച്ചു കയറിയത്.
