കോട്ടയം: എരുമേലിയില്‍ ശബരിമല തീര്‍ത്ഥാടകര്‍ സഞ്ചരിച്ച വാഹനമിടിച്ച്‌ വിദ്യാര്‍ഥികള്‍ മരിച്ചു. രണ്ട് പ്ലസ് വണ്‍ വിദ്യാര്‍ത്ഥികളാണ് മരിച്ചത്.വ്യാഴാഴ്ച്ച വൈകുന്നേരം എരുമേലി-മുണ്ടക്കയം റോഡില്‍ കണ്ണിമലയില്‍ വെച്ചായിരുന്നു അപകടം.
സംഭവ സ്ഥലത്ത് വെച്ച്‌ കണ്ണിമല പാലക്കല്‍ ജെഫിൻ മരിച്ചിരുന്നു. ഒപ്പമുണ്ടായിരുന്ന വടകരയോലില്‍ നോബിളിനെ ഗുരുതരമായ പരിക്കുകളോടെ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചെങ്കിലും രാത്രിയോടെ മരണം സംഭവിക്കുകയായിരുന്നു.
