പന്തളം: ബൈക്ക് അപകടത്തിൽ വിദ്യാർത്ഥി മരിച്ചു. പന്തളം എൻ. എസ്. എസ്. കോളേജിലെ വിദ്യാർത്ഥിയായ താമരക്കുളം കൊട്ടയ്ക്കാട്ടുശേരി ലതാ ഭവനത്തിൽ ആർ. വിവേക് (21) ആണ് മരിച്ചത്.
പന്തളം എൻ.എസ്.എസ്. കോളജിലെ രണ്ടാം വർഷ ബിരുദ വിദ്യാർത്ഥിയായിരുന്ന വിവേക് ടി.സി. വാങ്ങി മറ്റൊരു കോളജിൽ ചേരാനുള്ള തയ്യാറെടുപ്പിലായിരുന്നു.
ബുധനാഴ്ച ഉച്ചയ്ക്ക് ഒരു മണിയ്ക്ക് ശേഷം പന്തളത്ത് നിന്നും വീട്ടിലേക്ക് പോകുമ്പോൾ സഞ്ചരിച്ചിരുന്ന ബൈക്കും വാഗണർ കാറും തമ്മിൽ കൂട്ടിയിടിച്ചായിരുന്നു അപകടമുണ്ടായതു പന്തളം – പത്താംമൈൽ റോഡിൽ ഉളവുക്കാട് വച്ചായിരുന്നു അപകടം.
