ന്യൂയോര്‍ക്ക്: ദമ്പതികൾ ഉള്‍പ്പടെ മൂന്ന് പേര്‍ വെടിയേറ്റ് മരിച്ച കേസില്‍ ചെറുമകൻ ഓം ബ്രഹ്മഭട്ടിനെ(23) യുഎസില്‍ പോലീസ് അറസ്റ്റ് ചെയ്തു.
ന്യൂജഴ്സിയില്‍ താമസിച്ചിരുന്ന ഗുജറാത്ത് സ്വദേശിയായ ദിലീപ് കുമാര്‍ ബ്രഹ്മഭട്ട് (72), ഭാര്യ ബിന്ദു(72), മകൻ യാഷ്കുമാര്‍(38) എന്നിവരാണ് മരിച്ചത്.
സൗത്ത് പ്ലെയിൻഫീല്‍ഡിന് സമീപമുള്ള വീട്ടില്‍ നിന്ന് വെടിയൊച്ച കേട്ടതായി അയല്‍വാസി അറിയിച്ചതിനെ തുടര്‍ന്നാണ് പോലീസ് എത്തിയത്.
ദിലീപ് കുമാറിനെയും ബിന്ദുവിനെയും രണ്ടാം നിലയിലെ അപ്പാര്‍ട്മെന്‍റില്‍ വെടിയേറ്റ് മരിച്ചനിലയില്‍ കണ്ടെത്തി. പരിക്കേറ്റ നിലയിലായിരുന്ന യാഷ്‌കുമാറിനെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
