ഡിസംബര്‍ 20-നാണ് ഹോട്ടല്‍ പൂര്‍ണമായും അടയ്‌ക്കുന്നത്. ഒന്നര ഏക്കറില്‍ ഇനി ആഡംബര അപ്പാര്‍ട്ട്‍മെന്റുകള്‍ നിര്‍മ്മിക്കാനാണ് തീരുമാനിച്ചിരിക്കുന്നത്.
മലയാളികളുടെ പ്രിയപ്പെട്ട സിനിമയായ നാടോടിക്കാറ്റിലെ നിരവധി രംഗങ്ങൾ ഈ ഹോട്ടലിലായിരുന്നു ചിത്രീകരിച്ചിരുന്നത്. മോഹൻലാലും ശ്രീനിവാസനും അവതരിപ്പിച്ച ദാസനും വിജയനും അറബിവേഷത്തിലെത്തുന്ന സ്ഥലമാണ് ഇവിടം. നര്‍മ്മരസമാര്‍ന്ന നിരവധി രംഗങ്ങളാണ് ഇവിടെ വച്ച്‌ ചിത്രീകരിച്ചത്. ഇത് കൂടാതെ ചില തമിഴ്, തെലുങ്ക് സിനിമകളും ഇവിടെ ചിത്രീകരിച്ചിട്ടുണ്ട്.
1981-ല്‍ ഹോളിഡേ ഇൻ എന്നപേരില്‍ ടിടി വാസു എന്ന വ്യവസായിയാണ് ഈ ഹോട്ടല്‍ ആരംഭിച്ചത്. പിന്നീട് അഡയാര്‍ ഗേറ്റ് എന്ന് പേരുമാറ്റുകയായിരുന്നു. പിന്നീട് ഹോട്ടല്‍- വസ്ത്രകയറ്റുമതി സ്ഥാപനമായ ഗോയല്‍സ് വാങ്ങി. അതിനുശേഷം ഐടിസി യുടെ നിയന്ത്രണത്തിലുള്ള പാര്‍ക്ക് ഷെറാട്ടണ്‍ ഹോട്ടല്‍സ് സ്വന്തമാക്കി. ഇതിന് ശേഷം ഐടിസി ഗ്രൂപ്പ് ഗ്രാൻഡ് ചോള ഹോട്ടല്‍ നിര്‍മ്മിച്ചതോടെയാണ് ക്രൗണ്‍പ്ലാസ ചെന്നൈ അഡയാര്‍ പാര്‍ക്ക് എന്ന പേരിലേക്ക് മാറ്റിയത്.
