തിരുവനന്തപുരം:വിജയ് ഹസാരെ ട്രോഫിക്കായുളള കേരള ടീമിനെ പ്രഖ്യാപിച്ചു. സഞ്ജു സാംസണാണ് ക്യാപ്റ്റൻ.
കര്‍ണാടകയില്‍ നിന്ന് ഈ സീസണില്‍ കേരളത്തിലെത്തിയ ശ്രേയാസ് ഗോപാലും മുന്‍ നായകന്‍ സച്ചിന്‍ ബേബിയും ടീമില്‍ ഇടം പിടിച്ചു.
രോഹന്‍ കുന്നുമ്മലാണ് ഉപനായകന്‍. വിഷ്ണു വിനോദ്, മുഹമ്മദ് അസ്ഹറുദ്ദീന്‍, അബ്ദുല്‍ ബാസിത്ത്, വൈശാഖ് ചന്ദ്രന്‍, ബേസില്‍ തമ്ബി എന്നിവരും ടീമിലുണ്ട്.
ഈ മാസം 23നാണ് വിജയ് ഹസാരെ ട്രോഫി ആരംഭിക്കുന്നത്. ഗ്രൂപ്പ് എയില്‍ കരുത്തരായ മുംബൈ, സൗരാഷ്‌ട്ര ഒഡീഷ, റെയില്‍വേയ്‌സ്, ത്രിപുര, സിക്കിം, പോണ്ടിച്ചേരി എന്നിവര്‍ക്കൊപ്പമാണ് കേരളം. 23ന് സൗരാഷ്‌ട്രയ്‌ക്കെതിരെയാണ് കേരളത്തിന്റെ ആദ്യ മത്സരം.
കേരള ടീം: സഞ്ജു സാംസണ്‍, വിഷ്ണു വിനോദ്, സച്ചിന്‍ ബേബി,അബ്ദുല്‍ ബാസിത്ത്, ശ്രേയാസ് ഗോപാല്‍, മുഹമ്മദ് അസ്ഹറുദ്ദീന്‍, സിജോമോന്‍ ജോസഫ്, വൈശാഖ് ചന്ദ്രന്‍, ബേസില്‍ തമ്ബി, സല്‍മാന്‍ നിസാര്‍, അജ്‌നാസ് എം, അഖില്‍ സ്‌കറിയ, ബേസില്‍ എന്‍പി, അകിന്‍ സത്താര്‍, മിഥുന്‍ എസ്.
