പെൺകുട്ടിയെ പീഡിപ്പിക്കാൻ ശ്രമിച്ചുവെന്ന പരാതിയിൽ പൊലീസ് ഉദ്യോഗസ്ഥനെ സസ്പെൻഡ് ചെയ്തു. തിരുവനന്തപുരം വലിയമല പൊലീസ് സ്റ്റേഷനിലെ സി പി ഒ എസ് എസ് അനൂപിനെ യാണ് ആണ് സസ്പെൻഡ് ചെയ്തത്. വിതുര സ്റ്റേഷനിൽ ഡ്രൈവർ ആയിരിക്കെയാണ് പീഡന ശ്രമമെന്ന് പെൺകുട്ടി ബാലാവകാശ കമ്മീഷന് നൽകിയ പരാതിയിൽ പറയുന്നു. കമ്മീഷൻ നിർദ്ദേശപ്രകാരം വിതുര പൊലീസാണ് കേസെടുത്തിരിക്കുന്നത്. പൊലീസ് ഉദ്യോഗസ്ഥൻ കുട്ടിയുടെ വീട്ടിലെ നിത്യസന്ദർശകനായിരുന്നു. ഇതിനിടയിലാണ് കുട്ടിയെ പീഡിപ്പിക്കാൻ ശ്രമിച്ചു എന്നാണ് പരാതിയിൽ ചൂണ്ടിക്കാട്ടിയിരിക്കുന്നത്. പെൺകുട്ടി നേരിട്ടാണ് ബാലാവകാശ കമ്മീഷനിൽ പരാതി നൽകിയതെന്ന് നെടുമങ്ങാട് ഡിവൈഎസ്പി അറിയിച്ചു. നിലവിൽ പോലീസ് ഉദ്യോഗസ്ഥൻ ഒളിവിലാണ്.
