വാവ സുരേഷിനെ കേന്ദ്ര കഥാപാത്രമാക്കി കലാധരൻ സംവിധാനം ചെയ്യുന്ന ‘കാളാമുണ്ടൻ’ എന്ന ചിത്രത്തിന്റെ പൂജ വൈലോപ്പിള്ളി സംസ്കൃതി ഭവനില്‍ നടന്നു.
ഗാന രചയിതാവ് കെ. ജയകുമാര്‍ , കവിയും ഗാനരചയിതാവുമായ പ്രഭാവര്‍മ്മ എന്നിവര്‍ ചേര്‍ന്ന് ഭദ്രദീപം തെളിച്ചു.
പ്രകൃതിസ്നേഹിയായ ഒരു മനുഷ്യന്റെ ജീവിതത്തിലെ പുരസ്കാരങ്ങളും തിരസ്കാരങ്ങളും ഇടകലര്‍ന്ന കഥയാണ് ചിത്രം പറയുന്നത്. നവംബര്‍ ആദ്യം തിരുവനന്തപുരത്ത് ചിത്രീകരണം ആരംഭിക്കും.പ്രദീപ് പണിക്കര്‍ രചന നിര്‍വഹിക്കുന്നു.
ഗാനരചന കലാധരൻ . സംഗീതം എം ജയചന്ദ്രൻ. ശ്രീനന്ദനം ഫിലിംസിന്റെ ബാനറില്‍ കെ. നന്ദകുമാര്‍ ആണ് നിര്‍മ്മാണം. കലാസംവിധാനം അജയൻ അമ്ബലത്തറ.മേക്കപ്പ് ലാല്‍ കരമന. ചീഫ് അസോസിയേറ്റ് ഡയറക്ടര്‍ രാജേഷ് അടൂര്‍. പ്രൊഡക്ഷൻ കണ്‍ട്രോളര്‍ രാജേഷ് തിലകം.
