പാലാ: വിദ്യാഭ്യാസ രംഗത്തെ മൂല്യചുതിക്കെതിരേ പ്രതികരിക്കാൻ വിദ്യാർത്ഥികൾ തയ്യാറാകണമെന്ന് കേരളാ കോൺഗ്രസ് സെക്രട്ടറി ജനറൽ സെക്രട്ടറി അഡ്വ. ജോയി അബ്രാഹം എക്സ് എം.പി അഭിപ്രായപ്പെട്ടു. വിദ്യാർത്ഥികൾക്ക് കലാലയങ്ങളിൽ പോയി പഠനത്തോടപ്പം സമൂഹത്തിലെ തിന്മകൾക്കെതിരെ പ്രതികരിക്കാനുള്ള ബാധ്യതയുണ്ടെന്ന കാര്യം മറക്കരുതെന്നും അദ്ദേഹം കൂട്ടി ചേർത്തു.
കേരളാ വിദ്യാർത്ഥി കോൺഗ്രസ്റ്റ് കോട്ടയം ജില്ലാ കമ്മറ്റി പാലായിൽ സംഘടിപ്പിച്ച 60-ാo ജന്മദിന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ധേഹം. കേരളാ വിദ്യാർത്ഥി കോൺഗ്രസ്സ് കോട്ടയം ജില്ലാ പ്രസിഡന്റ് നോയൽ ലൂക്ക് അദ്ധ്യക്ഷത വഹിച്ചു. സമ്മേളനത്തിൽ കേരളാ കോൺഗ്രസ്സ് കോട്ടയം ജില്ലാ പ്രസിഡന്റ് സജി മഞ്ഞ കടമ്പിൽ ജന്മദിന സന്ദേശം നൽകി.
ജോർജ് പുളിക്കാട്, സന്തോഷ്‌ കാവുകട്ട്‌, പ്രസാദ് ഉരുളികുന്നു, തങ്കച്ചൻ മണ്ണുശേരി, ബാബു മുക്കാല, സിബി നെല്ലൻകുഴി, നിതിൻ സി വടക്കൻ, അമൽ ടോം കോലോത്തു,ഡിജു സെബാസ്റ്റ്യൻ,ജസ്റ്റിൻ പാറപ്പുറത്തു, കെഎസ്‌സി നേതാക്കൾ ആയ ടോം ആന്റണി, മെൽവിൻ പറമുണ്ട, അഭിഷേക് ബിജു, ടോം കണിയാരച്ചേരി,ജെറിൻ നരിക്കുഴി, സാമു ടി യൂ, റോഷൻ കൊച്ചുപറമ്പിൽ,നിബിൻ തന്നോലി, ആഗസ്ടിൻ വലിയപറമ്പിൽ,ആഷിൻ ഷിനു പാലത്തുങ്കൽ,ജോസു ഷാജി മഞ്ഞക്കടമ്പിൽ,വിഷ്ണു ശങ്കർ,റോണി തന്നിക്കൽ എന്നിവർ പ്രസംഗിച്ചു.
