തിരുവനന്തപുരം:മാരായമുട്ടത്ത് വീടിനുള്ളില്‍ ടൈലുകള്‍ ഉഗ്ര ശബ്ദത്തോടെ പൊട്ടിത്തെറിക്കുകയും ഗർത്തങ്ങൾ രൂപപ്പെടുകയും ചെയ്തു.മാരായമുട്ടം സ്വദേശി രത്‌നരാജിന്റെ വീടിന്റെ മുറികളാണ് തകര്‍ന്നത്.
രാവിലെ 9 മണിയോടെ വീട്ടിലുള്ളവര്‍ പ്രഭാതഭക്ഷണം കഴിച്ചു കൊണ്ടിരിക്കുമ്ബോഴാണ് ടൈലുകള്‍ ഉഗ്ര ശബ്ദത്തോടെ പൊട്ടിയത്. മുറിക്കുള്ളില്‍ ചെറു ഗർത്തങ്ങൾ രൂപപ്പെടുകയും ചെയ്തിട്ടുണ്ട്.
വീടിനുള്ളിലെ മറ്റ് മുറികളിലും സമാനമായ പൊട്ടലുകള്‍ ഉണ്ടെങ്കിലും നടുമുറിയിലാണ് കൂടുതലും പൊട്ടലുണ്ടായിട്ടുള്ളത്.300 ചതുരശ്ര അടിയോളം വെട്രിഫൈഡ് ടൈലുകളാണ് പൊട്ടിയിട്ടുള്ളത്.
സംഭവത്തിന്റെ ഗൗരവം മനസിലാക്കി ജിയോളജി വിഭാഗം സ്ഥലം പരിശോധിച്ചിട്ടുണ്ട്.സ്ഥലത്ത് വിശദമായ പരിശോധന നടത്തുമെന്നും ജിയോളജി വിഭാഗം വ്യക്തമാക്കി.പൊലീസും സംഭവസ്ഥലം സന്ദര്‍ശിച്ചു.
