മുണ്ടക്കയം:വാഹനം വാടകയ്ക്കെടുത്ത് മറിച്ചുവിറ്റ ദമ്ബതികള്‍ അറസ്റ്റില്‍. മുണ്ടക്കയം
പാറയില്‍പുരയിടം വിന്‍സിമോളും ഇവരുടെ ഭർത്താവ് ഭരണങ്ങാനം പാന്‍ങ്കോട്ടില്‍ അമല്‍ ജെയിനുമാണ് അറസ്റ്റിലായത്.
സൂം ആപ്പ് വഴി കാര്‍ വാടകയ്ക്കെടുത്ത് മറിച്ചു വിൽക്കുകയായിരുന്നു. എറണാകുളം സൗത്ത് പോലീസാണ് ഇവരെ അറസ്റ്റു ചെയ്തത്.എറണാകുളം ഗിരിഗറിൽ താമസിക്കുന്നയാളുടെ മാരുതി ബലേനോ കാറാണ് പ്രതികള്‍ വാടകക്ക് എടുത്ത ശേഷം തിരികെ നല്‍കാതെ മുങ്ങിയത്.
കാര്‍ വാടകക്ക് കൊണ്ടുപോയ ശേഷം വാടക നല്‍കാതെ ജിപിഎസ് സംവിധാനം ഓഫ് ചെയ്ത് ഇവര്‍ മുങ്ങുകയായിരുന്നു. കാറുടമ നല്‍കിയ പരാതിയില്‍ കേസ് രജിസ്റ്റര്‍ ചെയ്ത് അന്വേഷണം നടത്തിയ പോലീസ് പ്രതികളുടെ മൊബൈല്‍ ലൊക്കേഷനും മറ്റും പരിശോധിച്ചാണ് ഇവർ മുണ്ടക്കയം ഭാഗത്തുള്ളതായി
കണ്ടെത്തിയത്. പിന്നീട് അന്വേഷണ സംഘം മുണ്ടക്കയത്തെത്തി പ്രതികളെ കസ്റ്റഡിയിലെടുക്കുകയായിരുന്നു.
