പോലീസ് മര്‍ദനത്തെത്തുടര്‍ന്നാണ് ആത്മഹത്യയെന്ന് ബന്ധുക്കള്‍ ആരോപിച്ചു.ബുധനാഴ്ച വൈകീട്ട് മൂന്നുമണിയോടെ അജിത്തും മകനുമായി വഴക്കുണ്ടായിരുന്നു. നാട്ടുകാര്‍ അറിയിച്ചതിനെ തുടര്‍ന്ന് വെഞ്ഞാറമൂട് പോലീസ് എത്തുകയും ഇരുവരെയും കസ്റ്റഡിയിലെടുക്കുകയും ചെയ്തു. വീട്ടുകാര്‍ പോലീസ് സ്റ്റേഷനില്‍ എത്തിയതിനെ തുടര്‍ന്ന് ആദ്യം മകനെയും രാത്രി ഏഴു മണിയോടെ അജിത്തിനെയും വിട്ടയച്ചു.പിറ്റേന്ന് ഉച്ചയോടെ അജിത് വീട്ടിൽ തൂങ്ങിമരിക്കുകയായിരുന്നു.
പോലീസ് മർദ്ദിച്ചെന്ന് വീട്ടിലെത്തിയ ശേഷം അജിത് സുഹൃത്തുക്കളോട് പറഞ്ഞിരുന്നു.അവശനായ ഇയാള്‍ അടുത്ത ദിവസം കന്യാകുളങ്ങര കുടുംബാരോഗ്യകേന്ദ്രത്തില്‍ ചികിത്സതേടിയിരുന്നതായും നാട്ടുകാർ പറയുന്നു.പിന്നീട് ഉച്ചയോടെയാണ് അജിത്തിനെ വീടിന്റെ അടുക്കളയില്‍ തൂങ്ങിമരിച്ച നിലയില്‍ കണ്ടെത്തിയത്.
പോലീസ് മര്‍ദനത്തെത്തുടര്‍ന്നാണ് മകൻ ആത്മഹത്യചെയ്തതെന്നും ഉന്നതോദ്യോഗസ്ഥര്‍ക്കു പരാതിനല്‍കുമെന്നും അജിത്തിന്റെ അച്ഛൻ ഗോപിനാഥൻ നായര്‍ പറഞ്ഞു.
