തിരുവനന്തപുരം: സംസ്ഥാനത്തെ സ്കൂളുകളിൽ ഓണ പരീക്ഷ ആഗസ്റ്റ് 16 മുതല്‍ 24 വരെ നടക്കും.വിദ്യാഭ്യാസ ഗുണമേന്മാ സമിതി യോഗമാണ് സര്‍ക്കാരിന് പരീക്ഷ ഡേറ്റ് ശുപാര്‍ശ ചെയ്തത്.
യുപി, ഹൈസ്‌കൂള്‍, ഹയര്‍സെക്കന്‍ഡറി പരീക്ഷകള്‍ 16നും എല്‍പി ക്ലാസുകളിലെ പരീക്ഷ 19നുമായിരിക്കും നടക്കുക.അതേസമയം പ്ലസ് വണ്‍ പ്രവേശന നടപടി അവസാനിച്ചിട്ടില്ലാത്തതിനാല്‍ ക്ലാസ് തലത്തില്‍ പരീക്ഷ സംഘടിപ്പിക്കും.
സ്‌കൂളുകള്‍ 25-ന് ശേഷം അടക്കും. സെപ്തംബര്‍ നാലിനായിരിക്കും സ്‌കൂള്‍ തുറക്കുക.വിശദമായ ടൈം ടേബിളുകള്‍ സ്കൂളുകള്‍ക്ക് ലഭ്യമാകും.19-ന് പ്രധാന പിഎസ്സി പരീക്ഷയുള്ളതിനാലാണ് തീയ്യതിയിലെ മാറ്റം. വിദ്യാഭ്യാസ കലണ്ടറിലേക്കാള്‍ ഒരു ദിവസം മുന്നേയാണ് സാധാരണ പരീക്ഷകള്‍ നടത്താറുള്ളത്.
