ഓട്ടോയില്‍ ഉണ്ടായിരുന്ന ഓടംതോട് അഭിലാഷിന്റെ മക്കളായ അമയ അഭിലാഷ്‌ (12), അനയ അഭിലാഷ്‌ (9), കരിങ്കയം അനീഷിന്റെ മകന്‍ ടോമിലിന്‍ (13) എന്നിവര്ക്കാണ് പരുക്കേറ്റത്‌. അനീഷിന്റെ മറ്റൊരു മകന്‍ യുവനും (4) ഓട്ടോയില്‍ ഉണ്ടായിരുന്നെങ്കിലും പരുക്കേല്‍ക്കാതെ രക്ഷപ്പെട്ടു
ഓട്ടോയില്‍ ഡോര്‍ ഘടിപ്പിച്ചിരുന്നതിനാല്‍ കുട്ടികള്‍ പുറത്തേക്കു തെറിച്ച്‌ പോയില്ല.അനീഷിന്റെ വീട്ടില്‍ നിന്നും കുട്ടികളെ കയറ്റി 50 മീറ്റര്‍ പിന്നിടും മുമ്ബേയാണ്‌ അപകടം സംഭവിച്ചത്. അനീഷും സമീപവാസികളും സ്‌ഥലത്തെത്തിയാണു പരുക്കേറ്റവരെ ആശുപത്രിയില്‍ എത്തിച്ചത്‌. വിജിഷയുടെ മൃതദേഹം പാലക്കാട് ജില്ലാ ആശുപത്രിയില്‍ പോസ്‌റ്റുമോര്‍ട്ടത്തിനു ശേഷം വീട്ടുവളപ്പില്‍ സംസ്‌കരിച്ചു.
വാരിയെല്ല്‌ ഒടിഞ്ഞ്‌ ശ്വാസകോശത്തില്‍ തുളഞ്ഞ്‌ കയറിയതാണ്‌ മരണകാരണമെന്നു പോസ്‌റ്റ്‌മോര്‍ട്ടം റിപ്പോര്‍ട്ടെന്ന്‌ പോലീസ്‌ പറഞ്ഞു. വടക്കഞ്ചേരി നെല്ലിയാംപാടം പരേതനായ വിജയന്റെയും രുഗ്മണിയുടെയും മകളാണ്‌ വിജിഷ.
