ബുധനാഴ്ച രാവിലെ 10.30ഓടെയാണ് നാട്ടുകാർ മുദ്രാവാക്യം വിളികളുമായി മൃഗാശുപത്രിയിലെത്തിയത്. തെരുവുനായ് നിര്‍മാര്‍ജനത്തിന് നഗരസഭ ആവിഷ്കരിച്ച പദ്ധതി നടപ്പാക്കുന്നില്ലെന്നാരോപിച്ചാ
സംഭവം അറിഞ്ഞെത്തിയ പൊലീസ് സമരക്കാരുമായി സംസാരിച്ചെങ്കിലും പോലീസിനെയും അകത്തേക്ക് വിടാൻ നാട്ടുകാർ തയാറായില്ല. ഒടുവില്‍ ഡോക്ടറെ പുറത്തേക്ക് വിളിച്ചുവരുത്തി ചര്‍ച്ച നടത്തുകയായിരുന്നു.
ജൂലൈ ഒന്നുമുതല്‍ നായ്ക്കളെ പിടികൂടി വന്ധ്യംകരണം നടത്താമെന്ന് ഡോക്ടർ ഉറപ്പുനല്‍കിയതോടെയാണ് സമരം അവസാനിച്ചത്.കഴിഞ്ഞ ഒരാഴ്ചയ്ക്കുള്ളില്‍ പുനലൂര്‍ പട്ടണത്തില്‍ 30 പേരെ തെരുവുനായ്ക്കള്‍ ആക്രമിച്ചിരുന്നു.
അതേസമയം എ.ബി.സി പദ്ധതി നടപ്പിലാക്കുന്നതിന് നിലവില്‍ നിയന്ത്രണങ്ങളുള്ളതായും ആനിമല്‍ വെല്‍ഫെയര്‍ ബോര്‍ഡിന്റെ അനുമതി കിട്ടിയാല്‍ മാത്രമേ തെരുവുനായ്ക്കളെ പിടികൂടാൻ കഴിയുകയുള്ളൂവെന്നും കലക്ടർ അറിയിച്ചു.
