തൊടുപുഴ:ഹോസ്റ്റലിലെത്തി പെണ്‍കുട്ടികളെ ശല്യം ചെയ്ത ബസ് ക്ലീനർ അറസ്റ്റിൽ.അറക്കുളം അശോകകവല പാമ്ബൂരിക്കല്‍ അഖിലിനെ(23)യാണ് കഞ്ഞാര്‍ പൊലീസ് പിടികൂടിയത്.
ഈ മാസം പതിനഞ്ചിന് പുലര്‍ച്ചെയായിരുന്നു സംഭവം.പെണ്‍കുട്ടികള്‍ താമസിക്കുന്ന ട്രൈബല്‍ ഹോസ്റ്റലിലാണ് ഇയാള്‍ അതിക്രമിച്ച്‌ കയറിയത്. ഹോസ്റ്റലിലെത്തിയ ഇയാള്‍ പെണ്‍കുട്ടികള്‍ക്കൊപ്പം ബലമായി കിടക്കാൻ ശ്രമിക്കുകയായിരുന്നു. പെണ്‍കുട്ടികള്‍ ഒച്ചവച്ചതോടെ പ്രതി സ്ഥലം വിട്ടു.സിസിടിവി ദൃശ്യങ്ങളുടെ സഹായത്തോടെയാണ് യുവാവിനെ പിടികൂടിയത്.
പ്രതിക്കെതിരെ പോക്സോ വകുപ്പുകള്‍ പ്രകാരമാണ് കേസെടുത്തത്.അഖില്‍ പൂമാല – മൂവാറ്റുപുഴ റൂട്ടിലോടുന്ന ബസിലെ ക്ലീനറാണ്.
