ഹൈദരാബാദ്: കാജൽ അഗർവാളിൻറെ 60-ാമത്തെ ചലച്ചിത്രത്തിൻറെ ടൈറ്റിൽ പുറത്തുവിട്ടു. സത്യഭാമ എന്നാണ് ചിത്രത്തിൻറെ പേര്. ഫസ്റ്റ് ലുക്ക് പോസ്റ്ററിൽ സ്റ്റൈലിഷയാണ് കാജൽ പ്രത്യക്ഷപ്പെടുന്നത്. ചിത്രത്തിൻറെ ഫസ്റ്റ് ഗ്ലിംസ് വീഡിയോ പുറത്തുവിട്ടിട്ടുണ്ട്. ലോക്കപ്പിൽ കിടക്കുന്ന കുറ്റവാളിയെ കുറ്റസമ്മതം നടത്താൻ പോലീസ് ഉദ്യോഗസ്ഥൻ ശ്രമിക്കുകയും അതിൽ പരാജയപ്പെടുകയും ചെയ്യുന്നയിടത്താണ് വീഡിയോ തുടങ്ങുന്നത്. പിന്നീട് സാരിയുടുത്ത് എത്തുന്ന കാജൽ. കുറ്റവാളിയെ അടിച്ച് കാര്യങ്ങൾ പറയിക്കുന്നതാണ് വീഡിയോയിൽ ഉള്ളത്.
കാജൽ സത്യഭാമ എന്ന ചിത്രത്തിൽ ശക്തയായ എസിപിയായാണ് എത്തുന്നത്. കാജലിന്റെ ജന്മദിനത്തിനോട് അനുബന്ധിച്ചാണ് ഈ ദൃശ്യങ്ങൾ പുറത്തുവിട്ടിരിക്കുന്നത്. സത്യഭാമയുടെ ഷൂട്ടിംഗ് പുരോഗമിക്കുകയാണ്. അഖിൽ ദെങ്കാലയാണ് ചിത്രം സംവിധാനം ചെയ്യുന്നത്. ബോബി ടിക്ക, ശ്രീനിവാസ റാവു എന്നിവർ ചേർന്ന് ഓറം ആർട്സിൻറെ ബാനറിൽ ഈ ചിത്രം നിർമ്മിക്കുന്നത്. ഗൂഢാചാരി എന്ന ചിത്രത്തിൻറെ സംവിധായകൻ ശശി കിരൺ ടിക്കയാണ് ചിത്രത്തിൻറെ തിരക്കഥ എഴുതിയിരിക്കുന്നത്. ശ്രീചരൺ പക്കാലയാണ് ചിത്രത്തിൻറെ സംഗീതം. കാജൽ അഗർവാളിൻറെ വലിയൊരു തിരിച്ചുവരവ് എന്ന രീതിയിലാണ് ചിത്രം ഒരുങ്ങുന്നത്.
