കോട്ടയം: ലുലു ഇന്റര്‍നാഷണല്‍ ഗ്രൂപ്പ് നിര്‍മിക്കുന്ന മിനി ലുലു മാളിന്റെ ഉദ്ഘാടനം 2024 മാര്‍ച്ചില്‍ നടത്തുമെന്ന് ലുലു ഗ്രൂപ്പ് അറിയിച്ചു.
അതിവേഗം പുരോഗമിക്കുന്ന മിനി ലുലു മാളിന്റെ നിര്‍മാണം ഈ വര്‍ഷം ഡിസംബറില്‍ തന്നെ പൂര്‍ത്തിയായേക്കുമെന്നാണ് പ്രതീക്ഷ. വ്യവസായ സൗഹൃദ സംസ്ഥാനമായതിനാല്‍ കേരളത്തില്‍ ലുലു ഗ്രൂപ്പ് കൂടുതല്‍ പദ്ധതികള്‍ കൊണ്ടുവരുമെന്ന് ചെയര്‍മാന്‍ എം എ യൂസഫലി നേരത്തെ തന്നെ പറഞ്ഞിരുന്നു.
ഇതിന്റെ ഭാഗമായാണ് കോട്ടയത്തെ മിനി ലുലു മാള്‍. ഇതിനോടൊപ്പം തന്നെ കോഴിക്കോട്ടെ വലിയ മാളിന്റെ നിര്‍മാണവും നടന്ന് കൊണ്ടിരിക്കുകയാണ്. അടുത്ത മൂന്ന് വര്‍ഷത്തിനുള്ളില്‍ ഇന്ത്യയിലുടനീളം 12 പുതിയ മാളുകള്‍ ആരംഭിക്കാനാണ് ലുലു ഗ്രൂപ്പിന്റെ നീക്കം. യു എ ഇ ആസ്ഥാനമായുള്ള ലുലു ഗ്രൂപ്പ് കേരളത്തില്‍ അഞ്ച് ജില്ലകളില്‍ കൂടി മാളുകള്‍ ആരംഭിക്കുമെന്ന് വ്യക്തമാക്കിയിട്ടുണ്ട്.
