മറ്റക്കര പതിനാലാം വാര്‍ഡില്‍ മനക്കുന്നത്ത് ശ്രീവത്സം വീട്ടില്‍ ശോഭനാകുമാരിയുടെ വീടിന് മുകളില്‍ മരം വീണ് നാശനഷ്ടങ്ങള്‍ സംഭവിച്ചു. മനക്കുന്നത്ത് വീട്ടില്‍ എം.എ. രാജീവിന്റെ വീട്ടിലും ഭാഗീകമായി നാശനഷ്ടങ്ങള്‍ സംഭിച്ചിട്ടുണ്ട്.
പതിനഞ്ചാം വാര്‍ഡില്‍ കണികുന്നേല്‍ ജയിസന്റെ വീടിന് മുകളില്‍ മരം വീണ് വീട് തകര്‍ന്നു. അമ്ബലപ്പറമ്ബില്‍ എസ് എസ് ഉണ്ണികൃഷ്ണന്‍ നായരുടെ പശുത്തൊഴുത്തും കുളിമുറിയും മരം വീണ് തകര്‍ന്നു. പതിനഞ്ചാം വാര്‍ഡില്‍ രമണി കുറ്റിക്കാട് പാടത്തിന്റെ വീടിന് മുകളിലും മരം വീണ് നാശനഷ്ടങ്ങള്‍ സംഭവിച്ചു. മറ്റക്കര തേക്കുംകാട്ടില്‍ ടി.ബി രാജന്റെ പുരയിടത്തിലും മരങ്ങള്‍ വീണ് വീടിനും വാഹനത്തിനും കേടുപാടുകള്‍ സംഭവിച്ചു.
തുരുത്തിപ്പളളി ഭഗവതി ക്ഷേത്രത്തിലെ നൂറുവർഷം പഴക്കമുള്ള ആല്‍മരം ഒടിഞ്ഞുവീണു.രണ്ടായി പിളര്‍ന്നാണ് ആല്‍മരം വീണത്.നേരത്തെ ശക്തമായ കാറ്റില്‍ മറ്റക്കര ഹയര്‍ സെക്കന്ററി സ്‌ക്കൂള്‍ കെട്ടിടത്തിനും നാശനഷ്ടങ്ങള്‍ സംഭവിച്ചിരുന്നു.
