കൊച്ചി:മാരകമയക്കുമരുന്നായ എം.ഡി.എം.എയുമായി യുവതിയും യുവാവും പിടിയിൽ.മാവേലിക്കര ചെട്ടിക്കുളങ്ങര പടശ്ശേരി വീട്ടില്‍ സുധീഷ് എസ് (27), ഇടുക്കി കട്ടപ്പന പീടികപ്പുരയിടത്തില്‍ ആതിര (27) എന്നിവരാണ് പിടിയിലായത്.
ഇടപ്പള്ളി ടോള്‍ ഭാഗത്തായിരുന്നു സംഭവം.ഇവരില്‍ നിന്ന് 3.9 ഗ്രാം എം.ഡി.എം.എയും കണ്ടെടുത്തു. കൊച്ചി സിറ്റി ഡാന്‍സാഫും കളമശ്ശേരി പൊലീസും ചേര്‍ന്ന് നടത്തിയ പരിശോധനയിലാണ് ഇവര്‍ പിടിയിലായത്.
പ്രതികള്‍ വന്‍കിട വില്‍പ്പനക്കാരില്‍ നിന്ന് മയക്കുമരുന്ന് വാങ്ങി പാലാരിവട്ടം, ഇടപ്പള്ളി ഭാഗങ്ങളില്‍ വില്‍പ്പന നടത്തുന്നവരാണെന്ന് പോലീസ് പറഞ്ഞു.
