കൊയിലാണ്ടി: നന്തി മേല്‍പ്പാലത്തില്‍ കക്കഞ്ചേരി സ്വദേശികളായ ദമ്പതികള്‍ സഞ്ചരിച്ച ബൈക്ക് കുഴിയില്‍ വീണുണ്ടായ അപകടത്തില്‍ യുവതി മരിച്ചു. ഇന്ന് ഉച്ചയ്ക്കായിരുന്നു സംഭവം. കക്കഞ്ചേരി കൊല്ലോറത്ത് വീട്ടില്‍ സജിത(41)യാണ് മരണപ്പെട്ടത്.
ഇവര്‍ സഞ്ചരിച്ച ബൈക്ക് കുഴിയില്‍ വീണപ്പോൾ പിന്നിലിരുന്ന യുവതി തലയിടിച്ച് വീഴുകയുമായിരുന്നു. ഉടനെ സമീപത്തെ ആശുപത്രിയിൽ എത്തിച്ചെങ്കിലും ജീവന്‍ രക്ഷിക്കാനായില്ല. നന്തിയില്‍ ഒരു മരണവീട് സന്ദര്‍ശിച്ച് ഉള്ള്യേരിയിലേക്ക് മടങ്ങവെയായിരുന്നു അപകടം. ഭര്‍ത്താവ് വേലായുധന് (പ്ലാന്‍ എസ്റ്റിമേറ്റര്‍) നിസാര പരിക്കേയുള്ളു.
കൊളത്തൂര്‍ സ്വദേശികളായ വേലായുധന്റെയും സുശീലയുടെയും മകളാണ് സജിത. മക്കള്‍: അമയ, അനല്‍
സഹോദരിമാര്‍: വിജിത, ഷല്‍ന (കൊളശ്ശേരി).
