കൊച്ചി: എറണാകുളം മഹാരാജാസ് കോളജില്‍ എസ്എഫ്‌ഐ-കെഎസ്യു സംഘര്‍ഷം. നാല് കെഎസ്യു പ്രവര്‍ത്തകര്‍ക്കും മൂന്ന് എസ്എഫ്‌ഐ പ്രവര്‍ത്തകര്‍ക്കും പരുക്കേറ്റു. പരുക്കേറ്റവരെ ആശുപത്രിയില്‍ പ്രവേശിപ്പിച്ചു. ഞായറാഴ്ച ഉച്ചയ്ക്ക് കോളജ് ഹോസ്റ്റലിലാണ് ഇരുവിഭാഗങ്ങളും തമ്മില്‍ ഏറ്റുമുട്ടിയത്.
ഹോസ്റ്റലില്‍ അഡ്മിഷനില്ലാത്തെ ചില എസ്എഫ്‌ഐ പ്രവര്‍ത്തകര്‍ ഹോസ്റ്റലിലെത്തിയതു ചോദ്യം ചെയ്തതിനു ക്രൂരമായി മര്‍ദിക്കുകയായിരുന്നെന്നാണ് കെഎസ്‌യുവിന്റെ ആരോപണം. എന്നാല്‍, ഒന്നാം വര്‍ഷ വിദ്യാര്‍ഥികളെ കെഎസ്യു പ്രവര്‍ത്തകര്‍ റാഗ് ചെയ്യുന്നത് തടഞ്ഞതിനെ തുടര്‍ന്നു െകഎസ്യു പ്രവര്‍ത്തകര്‍ മര്‍ദിക്കുകയായിരുന്നെന്നാണ് എസ്എഫ്‌ഐയുടെ വാദം.
