കാഴ്ചക്കാര്‍ ഏറെയുള്ള ഷോയാണ് ബിഗ് ബോസ്. ഇതിന്റെ ഓരോ സീസണും മികച്ച പ്രതികരണം ആണ് ലഭിച്ചത്. നിരവധി സിനിമാ സീരിയല്‍ സോഷ്യല്‍ മീഡിയ താരങ്ങളാണ് ബിഗ് ബോസ് വീട്ടില്‍ എത്താറ്. ബിഗ് ബോസ് സീസണ്‍ ഫോര്‍ കഴിഞ്ഞതോടെ ആരാധകരും സങ്കടത്തില്‍ ആയിരുന്നു.
ഈ അടുത്താണ് സീസണ്‍ ഫൈവ് എത്തുന്നു എന്ന സന്തോഷവാര്‍ത്ത പ്രേക്ഷകരെ അറിയിച്ചത്. ഇത് അറിഞ്ഞത് മുതല്‍ അടുത്ത എപ്പിസോഡ് കാണാനുള്ള കാത്തിരിപ്പിലാണ് പ്രേക്ഷകരും. ആരൊക്കെ ഇത്തവണ ബിഗ് ബോസില്‍ എത്തും എന്ന് അറിയാനുള്ള ആകാംക്ഷയിലാണ് പ്രേക്ഷകരും. നിരവധി താരങ്ങളുടെ പേര് ഈ കൂട്ടത്തില്‍ എത്തിയിരുന്നു.
ഇക്കൂട്ടത്തില്‍ ആറാട്ട് എന്ന സിനിമയുടെ പ്രതികരണത്തിലൂടെ ശ്രദ്ധനേടിയ സന്തോഷ് വര്‍ക്കിയും മത്സരാര്‍ത്ഥിയായി വരുമെന്ന അഭ്യൂഹങ്ങള്‍ ഉയര്‍ന്നിരുന്നു. ഇപ്പോഴിതാ ഇതിനുള്ള ഉത്തരം നല്‍കിയിരിക്കുകയാണ് സന്തോഷ്.
ബിഗ് ബോസില്‍ പങ്കെടുക്കാന്‍ ഇതുവരെ ആരും വിളിച്ചിട്ടില്ല. ഷോയില്‍ പങ്കെടുക്കാന്‍ ചില പ്രശ്‌നങ്ങളുണ്ട്. താന്‍ ഇപ്പോള്‍ പി എച്ച് ഡി ചെയ്യുകയാണെന്നും സ്‌കോളര്‍ഷിപ്പുള്ളത് കൊണ്ട് യു ജി സിയുടെ ചില പ്രശ്‌നങ്ങളുണ്ട്. അമ്മ വീട്ടില്‍ ഒറ്റയ്ക്കാണ്. അങ്ങനെയുള്ള ചില പ്രശ്‌നങ്ങളുണ്ട്. ചിലപ്പോള്‍ ഷോയില്‍ പങ്കെടുക്കുമെന്നും സന്തോഷ് വര്‍ക്കി പറയുന്നു.
