കോട്ടയം: മരങ്ങാട്ടുപള്ളിയില്‍ വിവാഹ വാഗ്ദാനം നല്‍കി യുവതിയെ പീഡിപ്പിച്ച കേസില്‍ ഒളിവില്‍ കഴിഞ്ഞിരുന്ന യുവാവിനെ പോലീസ് അറസ്റ്റ് ചെയ്തു. ബ്രഹ്‌മമംഗലം അഭിജിത്ത് ഭവനില്‍ അഭിജിത്ത് (28) എന്നയാളെയാണ് മരങ്ങാട്ടുപള്ളി പോലീസ് അറസ്റ്റ് ചെയ്തത്.
ജില്ലാ പോലീസ് മേധാവി കെ.കാര്‍ത്തിക്കിന്റെ നേതൃത്വത്തില്‍ ഇന്നലെ ജില്ലയില്‍ നടത്തിയ വ്യാപക പരിശോധനയിലാണ് ഇയാള്‍ പോലീസിന്റെ പിടിയിലാവുന്നത്. ഇയാള്‍ യുവതിയെ വിവാഹ വാഗ്ദാനം നല്‍കി പീഡിപ്പിക്കുകയായിരുന്നു. തുടര്‍ന്ന് പ്രതി ഒളിവില്‍ കഴിഞ്ഞു വരുന്നതിനിടയിലാണ് ഇപ്പോള്‍ പോലീസിന്റെ പിടിയിലാവുന്നത്.
മരങ്ങാട്ടുപള്ളി സ്റ്റേഷന്‍ എസ്.എച്ച്.ഒ: എ. അജേഷ് കുമാര്‍, സി.പി.ഒമാരായ സുഭാഷ്, ശ്യാംകുമാര്‍, സുധീഷ്, സജിസദാനന്ദന്‍ എന്നിവര്‍ ചേര്‍ന്നാണ് പ്രതിയെ പിടികൂടിയത്.
