കൊച്ചി: മുപ്പത്തിയഞ്ചോളം സിനിമകളുടെ ഭാഗമായി മാറിയിട്ടുണ്ടെങ്കിലും മേരിയുടെ ജീവിതം ഇപ്പോഴും പ്രതിസന്ധിയിലാണ്.ഒടുവിൽ ജീവിതത്തില്‍ ഭാഗ്യം തുണക്കാതെയായപ്പോള്‍ ഭാഗ്യക്കുറിയുമായി തെരുവിലേക്ക് ഇറങ്ങിയിരിക്കുകയാണ് ഇപ്പോള്‍ മേരി.
ആക്ഷന്‍ ഹീറോ ബിജു എന്ന ചിത്രത്തിലെ ഒരൊറ്റ രംഗത്തിലൂടെ തന്നെ മലയാളി മനസ്സില്‍ പതിഞ്ഞ മുഖമാണ് നടി മേരിയുടേത്.പക്ഷെ ലോട്ടറി വില്‍പ്പനയാണ് ഇപ്പോള്‍ മേരിയുടെ ഉപജീവന മാര്‍ഗം.
ലോകത്ത് ആകമാനം നാശം വിതച്ച കൊവിഡ് മേരി ചേച്ചിയുടെ കുടുംബത്തിലും വില്ലനായി.. കടം കയറി മറ്റ് മാര്‍ഗമില്ലാതായതോടെയാണ് ലോട്ടറി വില്‍പനയുമായി ജീവിതത്തോട് പൊരുതാന്‍ തന്നെ മേരി തീരുമാനിച്ചത്. ഇപ്പോള്‍ സിനിമയിലേക്ക് ആരും വിളിക്കുന്നില്ല എന്നും.. വിളിക്കുമെന്ന് പ്രതീക്ഷയുണ്ടെന്നും മേരി പറയുന്നു.
