തിരുവനന്തപുരം: തിരുവനന്തപുരം വിമാനത്താവളത്തിലെ പ്രവര്ത്തനങ്ങള് നാളെ അഞ്ചു മണിക്കൂര് നിര്ത്തിവെക്കുമെന്ന് അധികൃതര് അറിയിച്ചു. പത്മനാഭസ്വാമി ക്ഷേത്രത്തിലെ അല്പശി ആറാട്ട് ഘോഷയാത്രയോട് അനുബന്ധിച്ചാണ് നവംബര് ഒന്നിന് വിമാനത്താവളത്തിലെ പ്രവര്ത്തനങ്ങള് നിര്ത്തിവെക്കുന്നത്.
ആഭ്യന്തര, അന്താരാഷ്ട്ര സര്വീസുകള് വൈകിട്ട് നാല് മണി മുതല് രാത്രി ഒമ്പത് മണി വരെ പ്രവര്ത്തിക്കില്ല. ഇതിന്റെ ഭാഗമായി വിമാന സര്വീസുകള് പുഃനക്രമീകരിച്ചിട്ടുണ്ടെന്നും പുതുക്കിയ സമയക്രമം അതത് വിമാന കമ്പനികളില് നിന്ന് ലഭ്യമാകുമെന്നും അധികൃതര് അറിയിച്ചു.
