മലപ്പുറം : കൊണ്ടോട്ടിയിൽ വന്‍ സ്ഫോടകവസ്തു ശേഖരം പിടികൂടി.
കോട്ടാശ്ശേരി ചെറേക്കാട് ഭാഗത്തെ റബര്‍ തോട്ടത്തിന് സമീപം പ്രവര്‍ത്തിച്ച ക്വാറിയില്‍ നിന്നാണ് സ്ഫോടകവസ്തുക്കള്‍ പിടികൂടിയത്.സംഭവത്തിൽ രണ്ടുപേരെ അറസ്റ്റ് ചെയ്തതായി കരിപ്പൂര്‍ സി.ഐ പി. ഷിബു അറിയിച്ചു.
കൊണ്ടോട്ടി കൊട്ടൂക്കര പടിപ്പുകണ്ടതില്‍ എ. സുരേഷ് ബാബു (41), അരിമ്ബ്ര കരിമ്ബനക്കല്‍ സിദ്ദീഖ് (37) എന്നിവരെയാണ് അറസ്റ്റ് ചെയ്തത്.
ഫ്യൂസ് ഘടിപ്പിച്ച 295 ഡിറ്റനേറ്റര്‍, 1479 ജലാറ്റിന്‍ സ്റ്റിക്കുകള്‍, 140 ഡിറ്റനേറ്റര്‍, വയര്‍, രണ്ട് കംപ്രസര്‍, രണ്ട് മണ്ണുമാന്തി യന്ത്രം, മൂന്ന് ലോറി തുടങ്ങിയവ പിടികൂടിയതായി പൊലീസ് അറിയിച്ചു. ക്വാറി നടത്തിപ്പുകാര്‍ക്കും സ്ഫോടക വസ്തുക്കള്‍ ഉപയോഗിക്കുന്ന ആള്‍ക്കുമെതിരെയാണ് കേസ്. സംഭവത്തില്‍ കൂടുതല്‍ അന്വേഷണം നടത്തുമെന്ന് പോലീസ് അറിയിച്ചു.
