
ഡല്ഹി സ്ഫോടനത്തിന്റെ പശ്ചാത്തലത്തില് കേരളത്തിലും ജാഗ്രത നിര്ദ്ദേശം പുറപ്പെടുവിച്ചു. സുരക്ഷ ക്രമീകരണങ്ങളും പട്രോളിംഗും ശക്തമാക്കി. ഡിജിപിയാണ് ജാഗ്രത നിര്ദ്ദേശം നല്കിയിരിക്കുന്നത്. ആരാധനാലയങ്ങള്, ആളുകള് കൂടുന്ന സ്ഥലങ്ങള്, റെയില്വേ സ്റ്റേഷനുകള്, ബസ് സ്റ്റാന്ഡുകള് എന്നിവിടങ്ങളില് പരിശോധന കര്ശനമാക്കിയിട്ടുണ്ട്. എല്ലാ ജില്ല പോലീസ് മേധാവിമാര്ക്കും കര്ശന നിര്ദ്ദേശം നല്കി.






