സമാധാനത്തിലേക്കുള്ള ചുവടുവയ്പ്പോ ? ട്രംപ്-പുടിന്-സെലെന്സ്കി കൂടിക്കാഴ്ചയ്ക്ക് വേദിയൊരുങ്ങുന്നു
വാഷിങ്ടണ്: അമേരിക്കന് പ്രസിഡന്റ് ഡൊണാള്ഡ് ട്രംപും ഉക്രെയ്ന് പ്രസിഡന്റ് വൊളോദിമിര് സെലെന്സ്കിയുമായി നടക്കുന്ന കൂടിക്കാഴ്ചയില് നിര്ണായക തീരുമാനം. ഉക്രെയ്നിന്റെയും റഷ്യയുടെയും പ്രസിഡന്റുമാര് തമ്മില് ഉഭയകക്ഷി സമാധാന ചര്ച്ചയ്ക്കുള്ള വഴിയൊരുങ്ങിയതായി യുഎസ് പ്രസിഡന്റ് ഡൊണാള്ഡ് ട്രംപ് അറിയിച്ചു. ഇവര് തമ്മിലുള്ള കൂടിക്കാഴ്ചയ്ക്ക് പുറമെ, തങ്ങള് മൂന്ന് നേതാക്കളും ഒരുമിച്ചുള്ള ചര്ച്ചയും നടക്കുമെന്നും ട്രംപ് അറിയിച്ചു.
കൂടിക്കാഴ്ചയ്ക്കിടെ താന് റഷ്യന് പ്രസിഡന്റ് വ്ളാദിമിര് പുടിനെ ഫോണില് വിളിക്കുകയും മുന്കൂട്ടി തീരുമാനിക്കുന്ന ഒരു സ്ഥാലത്ത് വെച്ച് പുടിനും സെലെന്സ്കിയും ഒരുമിച്ചുള്ള കൂടിക്കാഴ്ചയ്ക്കുള്ള ഒരുക്കങ്ങള് ആരംഭിക്കുകയും ചെയ്തതായും ട്രംപ് പറഞ്ഞു. വൈറ്റ് ഹൗസില് നടക്കുന്ന കൂടിക്കാഴ്ചയില് നിര്ണായകമായ നീക്കങ്ങള് ഉണ്ടായതായി എഎഫ്പി റിപ്പോര്ട്ട് ചെയ്തിരുന്നു. മീറ്റിങ് നിര്ത്തിവെച്ച് ട്രംപ് പുടിനുമായി സംസാരിച്ചിരുന്നുവെന്നാണ് എഎഫ്പി റിപ്പോര്ട്ട് ചെയ്തത്.
ഡൊണാള്ഡ് ട്രംപ്, ഉക്രെയ്ന് പ്രസിഡന്റ് വൊളോദിമിര് സെലെന്സ്കി, ബ്രിട്ടണ്, ഫ്രാന്സ്, ജര്മനി, ഇറ്റലി, ഫിന്ലാന്ഡ്, യൂറോപ്യന് കമ്മീഷന്, നാറ്റോ എന്നിവയുടെ നേതാക്കളുമായി നടത്തി കൊണ്ടിരുന്ന കൂടിക്കാഴ്ചയ്ക്ക് ഇടയിലാണ് പുടിനുമായി സംസാരിക്കാന് സമയം എടുത്തതെന്നും എഎഫ്പി റിപ്പോര്ട്ട് ചെയ്തു. തിങ്കളാഴ്ചയാണ് വൈറ്റ് ഹൗസിലെ ഓവല് ഓഫീസില് വെച്ച് ട്രംപ് ഈ കൂടിക്കാഴ്ചയ്ക്ക് സമയം ഒരുക്കിയത്.
സമാധാനം സ്ഥാപിക്കുന്നതിന് ട്രംപ് നടത്തുന്ന ശ്രമങ്ങള്ക്ക് നന്ദി പറഞ്ഞാണ് സെലെന്സ്കി സംസാരിക്കാന് തുടങ്ങിയത്. ഈ ശ്രമങ്ങള്ക്കൊപ്പം യുദ്ധം അവസാനിപ്പിക്കുന്നതിന് ട്രംപിന്റെ സഹായം വേണെന്നും അദ്ദേഹം പറഞ്ഞു. പുതിനും സമാധാനം ആഗ്രഹിക്കുന്നുണ്ടെന്നും എല്ലാ കാര്യങ്ങളും നന്നായി ഭവിച്ചാല് ഇന്നുതന്നെ യുദ്ധം അവസാനിക്കുമെന്നുമായിരുന്നു ട്രംപിന്റെ മറുപടി. ഉക്രെയ്നെ പിന്തുണച്ച ഫ്രാന്സ്, യൂറോപ്യന് യൂണിയന്, ഫിന്ലാന്ഡ്, യുകെ, ജര്മനി തുടങ്ങിയ എല്ലാ രാജ്യങ്ങളോടും സെലെന്സ്കി നന്ദി അറിയിച്ചു.
