Breaking NewsCrimeLead NewsNEWS
പൂച്ചയെ കൊന്ന് തല വേര്പെടുത്തി; ജാക്കി ലിവര് കൊണ്ട് അടിച്ചു പരത്തി ദൃശ്യങ്ങള് പോസ്റ്റ് ചെയ്തു; യുവാവിനെതിരെ കേസെടുത്ത് പൊലീസ്
പാലക്കാട്: പൂച്ചയെ കൊന്ന് കഷണങ്ങളാക്കി ദൃശ്യങ്ങള് ഇന്സ്റ്റഗ്രാമില് പോസ്റ്റ് ചെയ്ത സംഭവത്തില് യുവാവിനെതിരെ കേസെടുത്ത് പൊലീസ്. പാലക്കാട് ചെറുപ്പുളശ്ശേരി മടത്തിപറമ്പ് സ്വദേശി ഷജീറിനെതിരെയാണ് പൊലീസ് കേസെടുത്തത്. മൃഗങ്ങളോടുള്ള ക്രൂരത തടയല് വകുപ്പു ചുമത്തിയാണ് കേസ്.
ലോറി ഡ്രൈവറായ ഷജീര്, ഒരു പൂച്ചയ്ക്ക് ആദ്യം ഭക്ഷണം നല്കുകയും പിന്നീട് അതിനെ കൊന്ന് തലയും അവയവങ്ങളും വേര്തിരിച്ച് ഇറച്ചി ജാക്കി ലിവര് കൊണ്ട് അടിച്ചു പരത്തി ഇന്സ്റ്റഗ്രാമില് പോസ്റ്റ് ചെയ്യുകയായിരുന്നു. ദുഃഖകരമായ പശ്ചാത്തല സംഗീതം ഉള്പ്പെടെ വെച്ചാണ് ദൃശ്യങ്ങള് പോസ്റ്റ് ചെയ്തത്.
ദൃശ്യങ്ങള് പ്രചരിച്ചതോടെ യുവാവിനെതിരെ നടപടിയെടുക്കണമെന്ന് ആവശ്യമുയര്ന്നിരുന്നു. മൃഗസ്നേഹിയായ ജിനീഷിന്റെ പരാതിയിലാണ് നിലവില് ഷജീറിനെതിരെ പൊലീസ് കേസെടുത്തിരിക്കുന്നത്.
