Breaking NewsIndiaLead NewsNEWS
ജാര്ഖണ്ഡ് മുന് മുഖ്യമന്ത്രി ഷിബു സോറന് അന്തരിച്ചു; ജെഎംഎം സ്ഥാപക നേതാവ്
ന്യൂഡല്ഹി: ജാര്ഖണ്ഡ് മുന് മുഖ്യമന്ത്രിയും ജാര്ഖണ്ഡ് മുക്തി മോര്ച്ച (ജെഎംഎം) നേതാവുമായ ഷിബു സോറന് (81) അന്തരിച്ചു. ഒരു മാസമായി ഡല്ഹിയിലെ ശ്രീ ഗംഗാ റാം ആശുപത്രിയില് ചികിത്സയിലായിരുന്നു. വൃക്ക സംബന്ധമായ അസുഖങ്ങളെ തുടര്ന്ന് ജൂണ് അവസാനത്തോടെയാണ് ഷിബുസോറനെ ആശുപത്രിയില് പ്രവേശിപ്പിച്ചത്.
ജാര്ഖണ്ഡ് മുക്തി മോര്ച്ച പാര്ട്ടിയുടെ സ്ഥാപക നേതാവാണ് ഷിബു സോറന്. മകനും ജാര്ഖണ്ഡ് മുഖ്യമന്ത്രിയുമായ ഹേമന്ത് സോറനാണ് മരണ വാര്ത്ത അറിയിച്ചത്. ”ആദരണീയനായ ഗുരു നമ്മളെ വിട്ടുപോയി. ഇന്ന് ഞാന് ശൂന്യനായി” അച്ഛന്റെ വിയോഗവാര്ത്ത എക്സിലൂടെ അറിയിച്ച് ഹേമന്ത് സോറന് കുറിച്ചു.
