പെണ്ണുകാണാന് ചെന്ന അന്നു തന്നെ കൂടെക്കൂടി!!! കെട്ടിന്റെ നാലാംനാള് പൊന്നുംപണവുമായി മുങ്ങി; ശാലിനി നടത്തിയത് വിവാഹത്തട്ടിപ്പ് പരമ്പര
ആലപ്പുഴ: ചെങ്ങന്നൂര് ചെറിയനാട് സ്വദേശിയായ യുവാവിനെ വിവാഹം കഴിച്ച ശേഷം 4 ാം ദിവസം പണവും സ്വര്ണമാലയുമായി മുങ്ങിയ യുവതിക്കെതിരെ മുന്പും സമാനകേസുള്. പാലക്കാട് ഒറ്റപ്പാലം അമ്പലവട്ടം ഭാഗത്ത് അമ്പലപ്പള്ളിയില് വീട്ടില് താമസിക്കുന്ന ശാലിനിയെയാണ് (40) ചെങ്ങന്നൂര് പൊലീസ് അറസ്റ്റ് ചെയ്തത്. കേസിലെ പരാതിക്കാരിയുടെ മകന് പുനര്വിവാഹത്തിന് നല്കിയ വൈവാഹിക പരസ്യത്തില് നിന്നു ഫോണ് നമ്പറെടുത്ത് വിളിച്ച് പരാതിക്കാരിയുമായും മകനുമായും പ്രതി നീണ്ട നാളത്തെ ബന്ധം സ്ഥാപിച്ചു. പെണ്ണുകാണല് ചടങ്ങിന് പ്രതിയുടെ ഒറ്റപ്പാലത്തുള്ള വീട്ടിലെത്തിയ പരാതിക്കാരിക്കും മകനുമൊപ്പം അന്നു തന്നെ ചെറിയനാട്ടേക്ക് വന്ന് തൊട്ടടുത്ത ദിവസം ജനുവരി 20 ന് വിവാഹം നടത്തുകയായിരുന്നു.
വിവാഹിതയായി 3 ദിവസം ചെറിയനാട്ടുള്ള വീട്ടില് താമസിച്ച ശേഷം പണവും സ്വര്ണവും യുവാവ് വിദേശത്തു നിന്നും കൊണ്ടുവന്ന പെര്ഫ്യൂമുകളും മറ്റുമെടുത്ത പ്രതി താന് ലീഗല് അഡൈ്വസറായി ജോലി ചെയ്യുന്ന പുണെയിലെ ജോലി സ്ഥലത്തേക്ക് പോകുകയാണെന്ന് വീട്ടുകാരെ പറഞ്ഞ് വിശ്വസിപ്പിച്ച് 4 ാം ദിവസം മുങ്ങി. സംഭവവുമായി ബന്ധപ്പെട്ട് ചെങ്ങന്നൂര് പൊലീസ് രജിസ്റ്റര് ചെയ്ത കേസിലാണ് അറസ്റ്റ്.
പുണെയിലെ ജോലി സ്ഥലത്ത് പോകണമെന്ന് പറഞ്ഞ് വിശ്വസിപ്പിച്ച യുവതിയെ വിവാഹത്തിന്റെ മൂന്നാം നാള് ഭര്ത്താവ് ട്രെയിന് കയറ്റി വിട്ടു. അതിനു ശേഷം പ്രതി ഫോണ് ഓഫ് ചെയ്തു. സംശയം തോന്നിയ യുവാവും മാതാവും സഹോദരിയും കൂടി പരിശോധിച്ചപ്പോള് വീട്ടില് നിന്നും പണം നഷ്ടപ്പെട്ടതായി കണ്ടെത്തി. പുണെയില് നിന്നു തിരിച്ചു വരുന്നതുവരെ സൂക്ഷിക്കണമെന്നു പറഞ്ഞ് പരാതിക്കാരിയെ ഏല്പിച്ച ആഭരണങ്ങള് മുക്കുപണ്ടമാണെന്നും കണ്ടെത്തുകയായിരുന്നു.
2011 ല് പ്രതിക്കെതിരെ സമാനമായ കുറ്റത്തിന് ചെങ്ങന്നൂര് പൊലീസില് കേസ് എടുത്തിട്ടുണ്ടായിരുന്നു. അതിനു ശേഷം പല സ്റ്റേഷനുകളില് പ്രതിക്കെതിരെ സമാനരീതിയിലുള്ള കുറ്റകൃത്യത്തിന് ഒട്ടേറെ കേസുകള് രജിസ്റ്റര് ചെയ്തിട്ടുണ്ട്. കൊട്ടാരക്കര സ്വദേശിയായ പ്രതി വളരെക്കാലം മുന്പ് ഒറ്റപ്പാലം ഭാഗത്ത് വീടും വസ്തുവും വാങ്ങി താമസമാക്കിയതാണ്. അരൂരില് വീട് വാടകയ്ക്കെടുത്ത് വൈക്കം സ്വദേശിയായ മറ്റൊരു പുരുഷനൊപ്പം 2 മാസമായി താമസിച്ചു വരുന്നതിനിടെയാണ് കഴിഞ്ഞ ദിവസം പ്രതിയെ പൊലീസ് വലയിലാക്കിയത്. പ്രതിയെ ചെങ്ങന്നൂര് ജുഡീഷ്യല് ഒന്നാം ക്ലാസ് മജിസ്ട്രേട്ട് കോടതിയില് ഹാജരാക്കി.
