ചൂടില്ലാതിരുന്നാല് മതി! രാജ്യത്ത് എസികളുടെ താപനിലയ്ക്ക് നിയന്ത്രണം കൊണ്ടുവരും; 20 ഡിഗ്രിക്കും 28 ഡിഗ്രിക്കും ഇടയില് ക്രമീകരിക്കും; പുതുതായി നിര്മിക്കുന്ന എസികള്ക്കു ബാധകമാക്കും
ദില്ലി: രാജ്യത്ത് എയര് കണ്ടീഷണറുകളുടെ താപനിലയ്ക്ക് നിയന്ത്രണങ്ങള് കൊണ്ടുവരാന് കേന്ദ്ര സര്ക്കാര് ഒരുങ്ങുന്നു. പുതിയതായി നിര്മ്മിക്കുന്ന എസിയുടെ താപനില, ചൂട് എത്ര ഉയര്ന്നാലും 20 ഡിഗ്രി സെല്ഷ്യസ് മതിയെന്നാണ് കേന്ദ്ര സര്ക്കാര് തീരുമാനം. എസിയുടെ ഉയര്ന്ന താപനില 28 ഡിഗ്രി ആക്കും. വൈദ്യുതി ലാഭിക്കാനും ഇന്ത്യയുടെ വര്ധിച്ചുവരുന്ന ഊര്ജ ആവശ്യം നിയന്ത്രിക്കാനുമുള്ള വലിയ ശ്രമത്തിന്റെ ഭാഗമാണിതെന്ന് ഊര്ജമന്ത്രി മനോഹര് ലാല് ഖട്ടര് പറഞ്ഞു.
തീരുമാനം ഉടന് നടപ്പാക്കുമെന്ന് കേന്ദ്രമന്ത്രി മനോഹര്ലാല് ഖട്ടര് കൂട്ടിച്ചേര്ത്തു. പരീക്ഷണാടിസ്ഥാനത്തിലാണ് താപനില നിയന്ത്രണം കൊണ്ടുവരുകയെന്നും കേന്ദ്രമന്ത്രി അറിയിച്ചു. മോദി സര്ക്കാരിന്റെ മറ്റൊരു പരിഹാസ്യമായ നീക്കമെന്ന് ടിഎംസി എംപി സാകേത് ഗോഖ്ലെ കുറ്റപ്പെടുത്തു. വിഷയത്തില് കേന്ദ്രത്തിനെതിരെ കടുത്ത വിമര്ശനവുമായി തൃണമൂല് കോണ്ഗ്രസ് എംപി മഹുവ മൊയ്ത്രയും രംഗത്തെത്തി. മിനിമം ഐക്യു ഉള്ളവരെ മന്ത്രിമാര് ആക്കണമെന്നാണ് ഹുവ മൊയ്ത്രയുടെ പരിഹാസം.
