സച്ചിനോ കോലിയോ? കളത്തിലും പുറത്തും കോലി ഒരുപടി മുന്നില്‍; ചരിത്രം സച്ചിനെ റണ്‍വേട്ടക്കാനായി മാത്രം അടയാളപ്പെടുത്തുമ്പോള്‍ കോലിയെ ടീം പ്ലെയറായി വിലയിരുത്തും; ടെസ്റ്റിലും ഏകദിനത്തിലും സ്വന്തം നേട്ടങ്ങള്‍ക്കപ്പുറം വിരാട് ക്രിക്കറ്റിലെ പാഠപുസ്തകമാകുന്നത് ഇക്കാരണങ്ങള്‍ കൊണ്ട്
2019 ലോകകപ്പില്‍, സാന്‍ഡ്ഗേറ്റിന് വിലക്ക് ഏര്‍പ്പെടുത്തിയ സ്റ്റീവ് സ്മിത്തിനെ കാണികള്‍ നിഷ്‌കരുണം കൂക്കിവിളിച്ചപ്പോള്‍, പകരം അദ്ദേഹത്തെ അഭിനന്ദിക്കാന്‍ കോലി അവരോട് ആവശ്യപ്പെട്ടു. അവര്‍ അങ്ങനെ ചെയ്തു!
ന്യൂഡല്‍ഹി: സൗന്ദര്യം പോലെ കായിക മത്സരങ്ങളിലെ മികവും കാണുന്നയാളുടെ കണ്ണിലാണ്. വ്യക്തികളെ വിലയിരുത്തുമ്പോള്‍ അതില്‍ വ്യക്തിപരമായ കാരണങ്ങളുടെ സ്വാധീനവുമുണ്ടാകും. ക്രിക്കറ്റിന്റെ കാര്യത്തില്‍ രണ്ടു ലജന്റുകളെ പലകാരണങ്ങളാല്‍ വിമര്‍ശിക്കാമെങ്കിലും ഒരിക്കലും അവഗണിച്ചു മുന്നോട്ടു പോകാന്‍ കഴയില്ല. ഒരാള്‍ മാസ്റ്റര്‍ ബ്ലാസ്റ്റര്‍ സച്ചിന്‍ തെണ്ടുല്‍ക്കര്‍. മറ്റൊരാള്‍ ‘ചേസിംഗ് കിംഗ്’ കോലിയും. ഒരാള്‍ ക്രിക്കറ്റില്‍നിന്നു പൂര്‍ണമായും മറ്റൊരാള്‍ വിരമിക്കലിന്റെ ആദ്യപടിയെന്നോണം ടെസ്റ്റ് ക്രിക്കറ്റിന്റെ വെള്ളക്കുപ്പായവും അഴിച്ചു. കോലിക്കുമുന്നില്‍ ഇനിയുമേറെ മത്സരങ്ങളുണ്ട്.
എങ്കിലും, ക്ഷമയും തന്ത്രവും കായിക ക്ഷമതയും ബുദ്ധിയും ഏറെ ആവശ്യമുള്ള ടെസ്റ്റ് ക്രിക്കറ്റില്‍നിന്ന് കോലി കളമൊഴിയുമ്പോള്‍ വിലയിരുത്തലിന്റെ ആദ്യപടിയിലേക്കു കടക്കാന്‍ കഴിയും. അതില്‍ അപകടങ്ങള്‍ പതിയിരിക്കുന്നുണ്ട്. പ്രകടന സ്ഥിതിവിവരക്കണക്കുകള്‍, സാങ്കേതിക കഴിവുകള്‍, നേതൃത്വഗുണങ്ങള്‍ മുതലായവ പരിശോധിക്കുകും വിലയിരുത്തുകയും വേണം.
ടെസ്റ്റില്‍ നേടിയ ആകെ റണ്‍സ് കണക്കിലെടുത്താല്‍, സച്ചിന്‍ ജീവിച്ചിരുന്നതില്‍ വച്ച് ഏറ്റവും മികച്ച ബാറ്റ്‌സ്മാനാണ്. എന്നാല്‍ ബ്രാഡ്മാന്റെ ശരാശരിയായ 99.4 നെ അപേക്ഷിച്ച് അദ്ദേഹത്തിന്റെ കരിയര്‍ ശരാശരിയായ 53.4 ഉം, അദ്ദേഹത്തിന്റെ കാലത്തെ ശ്രീലങ്കന്‍ താരമായ കുമാര്‍ സംഗക്കാരയുടെ കരിയര്‍ ശരാശരിയായ 57.58 ഉം കണക്കിലെടുക്കുമ്പോള്‍, മഹാന്മാരുടെ കൂട്ടത്തില്‍ സച്ചിനെ കയറ്റിനിര്‍ത്തുന്നതിനുമുമ്പ് ഒന്ന് ആലോചിക്കാവുന്നതാണ്.
ഠ റണ്‍വേട്ട
റണ്‍ നേടുന്നതില്‍ സച്ചിന്‍ സമാനതകളില്ലാത്തവനാണ് – കോലിയെയും ഇന്ത്യന്‍ ടീം അംഗങ്ങളെക്കാളും ആയിരക്കണക്കിനു റണ്‍സ് മുന്നില്‍. 200 ടെസ്റ്റുകളില്‍ നിന്ന് 53.38 ശരാശരിയില്‍ 51 സെഞ്ച്വറികള്‍ ഉള്‍പ്പെടെ 15921 റണ്‍സ് അദ്ദേഹം നേടി. 123 ടെസ്റ്റുകളില്‍ നിന്ന് 46.83 ശരാശരിയില്‍ 30 സെഞ്ച്വറികള്‍ ഉള്‍പ്പെടെ 9230 റണ്‍സ് അദ്ദേഹം നേടി. 452 ഏകദിനങ്ങളില്‍ നിന്ന് 49 സെഞ്ച്വറികള്‍ ഉള്‍പ്പെടെ 44.83 ശരാശരിയില്‍ 18426 റണ്‍സ് സച്ചിന്‍ നേടി. 290 ഏകദിനങ്ങളില്‍ നിന്ന് 57.88 എന്ന മികച്ച ശരാശരിയില്‍ 51 സെഞ്ച്വറികള്‍ ഉള്‍പ്പെടെ 14181 റണ്‍സ് കോലി നേടി. ഇത് ഏറ്റവും മികച്ച ഏകദിന പ്രകടനമാണ്. ട്വന്റി20യില്‍ സച്ചിന്റെ ഭാഗധേയം കുറവായതിനാല്‍ വിലയിരുത്തലില്‍ അതുള്‍പ്പെടുത്തുന്നില്ല.
ടെസ്റ്റില്‍ നേടിയ ആകെ റണ്‍സ് കണക്കിലെടുത്താല്‍, സച്ചിന്‍ ജീവിച്ചിരുന്നതില്‍ വച്ച് ഏറ്റവും മികച്ച ബാറ്റ്‌സ്മാനാണ്. എന്നാല്‍ ബ്രാഡ്മാന്റെ ശരാശരിയായ 99.4 നെ അപേക്ഷിച്ച് അദ്ദേഹത്തിന്റെ കരിയര്‍ ശരാശരിയായ 53.4 ഉം, അദ്ദേഹത്തിന്റെ കാലത്തെ ശ്രീലങ്കന്‍ താരമായ കുമാര്‍ സംഗക്കാരയുടെ കരിയര്‍ ശരാശരിയായ 57.58 ഉം കണക്കിലെടുക്കുമ്പോള്‍, മഹാന്മാരുടെ കൂട്ടത്തില്‍ സച്ചിനെ കയറ്റിനിര്‍ത്തുന്നതിനുമുമ്പ് ഒന്ന് ആലോചിക്കാവുന്നതാണ്.
ഠ തെണ്ടുല്‍ക്കറും കോലിയും
ടെണ്ടുല്‍ക്കര്‍-കോലി മത്സരത്തിലേക്ക് വരുമ്പോള്‍, 2014-ല്‍ അഡലെയ്ഡില്‍ ഓസ്ട്രേലിയയ്ക്കെതിരായ ആദ്യ ടെസ്റ്റില്‍ കോഹ്ലി നടത്തിയ വെടിക്കെട്ട് പ്രകടനം മറക്കാന്‍ കഴിയില്ല. രണ്ട് ഇന്നിംഗ്സുകളിലും ഡിക്ലയര്‍ ചെയ്ത് അവസാന ദിവസം ഇന്ത്യയ്ക്ക് 361 റണ്‍സ് എന്ന അസാധ്യ ലക്ഷ്യം മുന്നോട്ടുവച്ചു ഓസ്‌ട്രേലിയ. എല്ലാ ട്രംപ്കാര്‍ഡുകളും അവരുടെ പക്കല്‍.
ആദ്യ ഇന്നിംഗ്സില്‍ സെഞ്ച്വറി നേടിയ കോലി, ഒറ്റയ്ക്ക് 141 റണ്‍സ് നേടിയ ഗംഭീര പ്രകടനത്തോടെ ഇന്ത്യയെ വിജയത്തിന്റെ വക്കിലെത്തിച്ചു. അവസാന ഏഴ് വിക്കറ്റുകള്‍ 58 റണ്‍സിനു വീണത് ഇന്ത്യയെ 45 റണ്‍സിന്റെ പരാജയത്തിലേക്കു നയിച്ചു. വിദേശത്ത് ഇത്രയും മികച്ചതും ആധിപത്യം പുലര്‍ത്തുന്നതുമായ ഒരു ഇന്നിംഗ്സ് മുമ്പോ ശേഷമോ ഒരു ഇന്ത്യക്കാരനും കളിച്ചിട്ടില്ല. 1999-ല്‍ ഓസ്ട്രേലിയയ്ക്കെതിരെ ബ്രയാന്‍ ലാറ നേടിയ 153 നോട്ടൗട്ട് എന്ന അനശ്വരമായ സ്‌കോര്‍ പോലെ മികച്ച ഇന്നിംഗ്സായിരുന്നു അത്. പക്ഷേ തോല്‍ക്കുന്ന ടീമുകളെ ചരിത്രം ശ്രദ്ധിക്കാത്തതിനാല്‍ വിലയിരുത്തലുകള്‍ക്കു പുറത്തായിപ്പോയെന്നു മാത്രം.
ടെണ്ടുല്‍ക്കറുടെയും കോലിയുടെയും വ്യക്തിഗത മികവ് അവരുടെ ടീമുകളെ എങ്ങനെ സ്വാധീനിച്ചു? സച്ചിന്റെ 51 ടെസ്റ്റ് സെഞ്ച്വറിയില്‍ 20 എണ്ണം ടീമിനെ വിജയത്തിലേക്ക് നയിച്ചു- വിജയ ശതമാനം 21.56. ഇതില്‍ ആറ് വിജയങ്ങള്‍ ബംഗ്ലാദേശിനും സിംബാബ്വെയ്ക്കുമെതിരായതായിരുന്നു. ഏകദിനങ്ങളില്‍, അദ്ദേഹത്തിന്റെ 49 സെഞ്ച്വറിയില്‍ 33 എണ്ണം ടീമിനെ വിജയത്തിലേക്ക് നയിച്ചു- വിജയ ശതമാനം 67.35. കോലിയുടെ 30 ടെസ്റ്റ് സെഞ്ച്വറിയില്‍ 14 എണ്ണം ടീമിന്റെ വിജയത്തിന് കാരണമായി- വിജയ ശതമാനം 46.6. ഏകദിനങ്ങളില്‍, ‘ചേസ് കിംഗ്’ നേടിയ 51 സെഞ്ച്വറിയില്‍ 43 എണ്ണവും ടീമിന്റെ വിജയം ഉറപ്പാക്കി: 84.31 എന്ന ഗംഭീര വിജയശതമാനം.
റണ്‍വേട്ടയില്‍ സച്ചിന്‍ മുന്നിലാണെങ്കിലും വിരാട് ഇന്ത്യക്കായി കൂടുതല്‍ മത്സരങ്ങള്‍ വിജയിപ്പിച്ചു. അവര്‍ വ്യത്യസ്തമായി മത്സരത്തെ സമീപിച്ചു എന്നതാണിതിനു കാരണം. സച്ചിന്‍ വ്യക്തിഗത നാഴികക്കല്ലുകളില്‍ ശ്രദ്ധ കേന്ദ്രീകരിച്ചു, അതേസമയം കോഹ്ലിയുടെ ഏക ലക്ഷ്യം ഇന്ത്യയ്ക്കായി മത്സരങ്ങള്‍ വിജയിപ്പിക്കുക എന്നതായിരുന്നു. അന്താരാഷ്ട്ര ക്രിക്കറ്റിലെ നൂറാം സെഞ്ച്വറിയിലേക്ക് (വണ്‍ഡേ: 49, ടെസ്റ്റ്: 51) അടുക്കുമ്പോള്‍ സച്ചിന്റെ മോശം പ്രകടനം ആര്‍ക്കാണ് മറക്കാന്‍ കഴിയുക? അതുകൊണ്ടാണ് 2012 ല്‍ മിര്‍പൂരില്‍ ബംഗ്ലാദേശിനോട് നടന്ന ഏകദിനത്തില്‍ തോറ്റത്.
ഠ ക്യാപ്റ്റനായ സച്ചിനും കോലിയും
ക്രിക്കറ്റ് പോലുള്ള ഒരു ടീം സ്പോര്‍ട്സില്‍, വ്യക്തിഗത മികവ് മാത്രമല്ല, ഒരു ടീമിന്റെ വിജയത്തിനു നേതൃത്വ ഗുണവും വിലയിരുത്തും. ടെസ്റ്റ്, ഏകദിന ക്യാപ്റ്റനെന്ന നിലയില്‍ സച്ചിന്‍ ഒരു സമ്പൂര്‍ണ ദുരന്തമായിരുന്നു. 25 ടെസ്റ്റുകളില്‍ 16% വിജയ ശരാശരിയും ഏകദിനങ്ങളില്‍ 31.5% വിജയ ശരാശരിയും നേടി.
കോഹ്ലി ഇന്ത്യയുടെ ഏറ്റവും വിജയകരമായ ടെസ്റ്റ്, ഏകദിന ക്യാപ്റ്റനാണ്. ടെസ്റ്റുകളില്‍, അദ്ദേഹം നയിച്ച 68 ടെസ്റ്റുകളില്‍ 40 എണ്ണത്തിലും ഇന്ത്യ വിജയിച്ചു- 58.8% വിജയ ശരാശരി. ഇത് ചരിത്രത്തിലെ എല്ലാ ടെസ്റ്റ് ക്യാപ്റ്റന്മാരെ വച്ചു നോക്കിയാലും നാലാമത്തെ ഉയര്‍ന്ന വിജയശതമാനമാണ്. ക്യാപ്റ്റനെന്ന നിലയില്‍ 95 ഏകദിനങ്ങളില്‍ 65 എണ്ണത്തിലും അദ്ദേഹം വിജയിച്ചിട്ടുണ്ട്, ശരാശരി 68.42 വിജയങ്ങള്‍. 2018-19ല്‍ ഓസ്‌ട്രേലിയയില്‍ ഓസ്ട്രേലിയയ്ക്കെതിരെ ആദ്യമായി പരമ്പര വിജയത്തിലേക്ക് ടീമിനെ നയിച്ചും ചരിത്രത്തില്‍ ഇടം നേടി. 1971 ല്‍ വെസ്റ്റ് ഇന്‍ഡീസിലും ഇംഗ്ലണ്ടിലും ഇന്ത്യയുടെ ആദ്യ വിജയങ്ങള്‍ പോലെ തന്നെ ഒരു സുപ്രധാന നേട്ടമാണിത്.
ഈ രണ്ട് സൂപ്പര്‍സ്റ്റാറുകള്‍ ഇന്ത്യന്‍ ക്രിക്കറ്റിനും സമൂഹത്തിനും നല്‍കിയ സംഭാവനകളെക്കുറിച്ച് കൃത്യമായി പറഞ്ഞ മൈക്ക് ബ്രെയര്‍ലിയെ ഓര്‍മിക്കാതിരിക്കാനാകില്ല. ‘സച്ചിന്‍ വാണിജ്യപരമായി കുതിച്ചുയരുന്ന ഇന്ത്യയെ പ്രതിനിധീകരിക്കുന്നു, അതേസമയം കോഹ്ലി ‘എല്ലാ മേഖലകളിലും മഹത്വം ലക്ഷ്യമിടുന്ന ഒരു ഇന്ത്യയെ’ പ്രതിനിധീകരിക്കുന്നു.
ഠ ടീം അംഗമായ കോലിയും സച്ചിനും
ഇന്ത്യന്‍ ക്രിക്കറ്റില്‍ പരിവര്‍ത്തനാത്മകമായ സ്വാധീനം ചെലുത്തിയ വ്യക്തിയെന്നാണു കോലിയെ ഗ്രെഗ് ചാപ്പല്‍ വിശേഷിപ്പിച്ചിട്ടുള്ളത്. ഫീല്‍ഡില്‍ ‘ബുള്ളിയിംഗ്’ നടത്തുന്നതിനെതിരേ നട്ടെല്ലുനിവര്‍ത്തി പ്രതികരിച്ചതു കോലി മാത്രമാണ്. കോലി ഫീല്‍ഡില്‍ പ്രകടിപ്പിക്കുന്ന ആവേശം പകര്‍ച്ചവ്യാധിപോലെ ടീമിനെ ബാധിച്ചു! പോസിറ്റീവ് ചിന്ത, പ്രതിബദ്ധത, സുതാര്യമായ സത്യസന്ധത എന്നിവ സഹതാരങ്ങളെ സമ്മര്‍ദത്തില്‍നിന്നു മറികടക്കാന്‍ സഹായിച്ചു. പോരാട്ട വീര്യമുള്ളവരും കഠിനഹൃദയനെന്നും കോലിയെ ചിലര്‍ വിളിച്ചിട്ടുണ്ട്. അപ്പോഴും ധാര്‍മികതയുടെ കാതലുള്ളയാള്‍കൂടിയായിരുന്നു. കളിയെയും എതിരാളികളെയും അദ്ദേഹം ബഹുമാനിക്കുന്നു. 2019 ലോകകപ്പില്‍, സാന്‍ഡ്ഗേറ്റിന് വിലക്ക് ഏര്‍പ്പെടുത്തിയ സ്റ്റീവ് സ്മിത്തിനെ കാണികള്‍ നിഷ്‌കരുണം കൂക്കിവിളിച്ചപ്പോള്‍, പകരം അദ്ദേഹത്തെ അഭിനന്ദിക്കാന്‍ കോഹ്ലി അവരോട് ആവശ്യപ്പെട്ടു. അവര്‍ അങ്ങനെ ചെയ്തു!
ഇത്തരം ഔദാര്യങ്ങള്‍ സച്ചിന്റെ ഭാഗത്തുനിന്ന് ഉണ്ടായിട്ടുണ്ടോ? അദ്ദേഹത്തിന്റെ സ്വാര്‍ത്ഥതാല്‍പര്യങ്ങള്‍ മറ്റെവിടെയോ ആയിരുന്നു. ഈ രണ്ട് സൂപ്പര്‍സ്റ്റാറുകള്‍ ഇന്ത്യന്‍ ക്രിക്കറ്റിനും സമൂഹത്തിനും നല്‍കിയ സംഭാവനകളെക്കുറിച്ച് കൃത്യമായി പറഞ്ഞ മൈക്ക് ബ്രെയര്‍ലിയെ ഓര്‍മിക്കാതിരിക്കാനാകില്ല. ‘സച്ചിന്‍ വാണിജ്യപരമായി കുതിച്ചുയരുന്ന ഇന്ത്യയെ പ്രതിനിധീകരിക്കുന്നു, അതേസമയം കോഹ്ലി ‘എല്ലാ മേഖലകളിലും മഹത്വം ലക്ഷ്യമിടുന്ന ഒരു ഇന്ത്യയെ’ പ്രതിനിധീകരിക്കുന്നു. ഇതില്‍കൂടുതല്‍ മികച്ച താരമത്യം മറ്റാര്‍ക്കു സാധിക്കും? ഇംഗ്ലീഷ് ഫസ്റ്റ് ക്ലാസ് ക്രിക്കറ്റ് താരംകൂടിയാ അദ്ദേഹം, സൈക്കോളജിസ്റ്റും സൈക്കോ തെറാപ്പിസ്റ്റുമായിരുന്നു ബ്രെയര്‍ലി.
ഠ നിലപാടുകളിലെ സച്ചിനും കോലിയും
കളിക്കളത്തില്‍ മാത്രമല്ല, പുറത്തും കോഹ്ലി മികച്ച നേതാവാണ്. അഭിപ്രായ രൂപീകരണത്തില്‍ തന്റെ സവിശേഷ സ്ഥാനം ഉപയോഗപ്പെടുത്തിക്കൊണ്ട്, സെലിബ്രിറ്റികള്‍ സംസാരിക്കേണ്ടി വരുമ്പോള്‍ മൗനം പാലിക്കുന്ന പ്രവണതയെ അദ്ദേഹം മറികടന്നു. 2021 ലെ ടി20 ലോകകപ്പില്‍ ഇന്ത്യയുടെ മോശം പ്രകടനത്തെത്തുടര്‍ന്ന് പുറത്തായപ്പോള്‍ ഏറ്റവും കൂടുതല്‍ വിമര്‍ശനം ഏല്‍ക്കേണ്ടിവന്ന സഹതാരം മുഹമ്മദ് ഷമിയെ കോലി ചേര്‍ത്തുപിടിച്ചു. മാത്രമല്ല, മുഹമ്മദ് അലി ലീഗില്‍ അദ്ദേഹത്തെ ഉള്‍പ്പെടുത്തുകയും ചെയ്തു. ഇക്കാര്യംകൂടി കോലി പറഞ്ഞുവച്ചു:- ‘ഒരാളെ അവരുടെ മതത്തിന്റെ പേരില്‍ ആക്രമിക്കുന്നത് ഒരു മനുഷ്യനു ചെയ്യാന്‍ കഴിയുന്ന ഏറ്റവും ദയനീയമായ കാര്യമാണ്’. ഇതിനു പിന്നാലെ കോലിയുടെ ടെസ്റ്റ് നായക സ്ഥാനവും തെറിച്ചു. ഇംഗ്ലണ്ട് പര്യടനത്തിനുള്ള ആദ്യ ടീമില്‍ കോഹ്ലി ഉണ്ടായിരുന്നപ്പോള്‍ തന്നെ ടെസ്റ്റ് ക്രിക്കറ്റില്‍ നിന്ന് വിരമിച്ചു. ഇന്ത്യന്‍ ക്രിക്കറ്റിനായി തന്റെ എല്ലാം നല്‍കിയ ഒരാള്‍ക്ക് ഇപ്പോള്‍ ഐപിഎല്‍ ട്രോഫി ലഭിച്ചുവെന്നത് കാവ്യനീതിയാണ്. നമ്മുടെ കാലത്തെക്കുറിച്ചുള്ള ചരിത്രമെഴുതിയാല്‍ അതില്‍ മനുഷ്യനും ക്രിക്കറ്റ് കളിക്കാരനുമെന്ന നിലയില്‍ കോലിയുടെ മഹത്വവും ഉള്‍പ്പെടും. അതേസമയം, സച്ചിന്‍ മികച്ച റണ്‍വേട്ടക്കാരനായി മാത്രം കണക്കാക്കപ്പെടും!
