![](https://newsthen.com/wp-content/uploads/2024/07/clt-renjith-family.jpg)
കോഴിക്കോട്: തങ്ങള്ക്കെതിരെ നടക്കുന്ന സൈബര് ആക്രമണത്തിനെതിരെ പൊലീസില് പരാതി നല്കി ഷിരൂരില് കാണാതായ അര്ജുന്റെ കുടുംബം. അര്ജുന്റെ അമ്മയുടെ വാക്കുകള് ദുര്വ്യാഖ്യാനം ചെയ്ത രണ്ട് യൂട്യൂബ് ചാനലുകള്ക്ക് എതിരെയാണ് ചേവായൂര് പൊലീസ് സ്റ്റേഷനില് പരാതി നല്കിയത്.
വാര്ത്താ സമ്മേളനത്തിനിടെ നടത്തിയ പരാമര്ശങ്ങളാണ് എഡിറ്റ് ചെയ്ത് പ്രചരിപ്പിക്കുന്നു. സമൂഹ മാധ്യമങ്ങളിലൂടെ വ്യാപകമായ ദുഷ്പ്രചാരണമാണ് നടക്കുന്നതെന്നും അമ്മയുടെ സഹോദരിയുടെ ശബ്ദം എഡിറ്റ് ചെയ്ത് പ്രചരിപ്പിച്ചതായും പരാതിയുണ്ട്.
![Signature-ad](https://newsthen.com/wp-content/uploads/2024/06/signature.jpg)
അര്ജുന് വീഴാന് സാധ്യതയുള്ള വലിയ കുഴി മണ്ണിട്ടു മൂടുകയാണുണ്ടായതെന്നും ജീവനോടെ കിട്ടുമെന്ന് പ്രതീക്ഷയില്ലെന്നുമാണ് അമ്മ ഷീല കഴിഞ്ഞ ദിവസം വാര്ത്താസമ്മേളനത്തില് പറഞ്ഞത്. സൈന്യം എത്തിയപ്പോള് വലിയ പ്രതീക്ഷയുണ്ടായിരുന്നു. എന്നാല് ആ പ്രതീക്ഷ ഇല്ലാതായി. കേന്ദ്രത്തിന്റെ സഹായം കിട്ടിയില്ലെന്നും ഷീല പറഞ്ഞു.