കോട്ടയം: താഴത്തങ്ങാടിയില്‍ സ്വകാര്യബസില്‍ യുവതിയോട് അപമര്യാദയായി പെരുമാറിയ സംബവത്തില്‍ പ്രതിയായ ഓട്ടോ ഡ്രൈവറെ പൊലീസ് പിടികൂടി. കാരമ്മൂട് സ്വദേശി രാജേഷിനെയാണ് കോട്ടയം വെസ്റ്റ് പൊലീസ് കസ്റ്റഡിയില്‍ എടുത്തത്.
കഴിഞ്ഞദിവസം വൈകുന്നേരം കോട്ടയം-കുമരകം അട്ടിപ്പീടിക റൂട്ടില്‍ സര്‍വീസ് നടത്തുന്ന ആന്‍മരിയ ബസിലായിരുന്നു സംഭവം. താഴത്തങ്ങാടി സ്വദേശിനിയായ 20 കാരിയെ രാജേഷ് പിന്തുടര്‍ന്ന് ശല്യം ചെയ്യുകയായിരുന്നു.
താഴത്തങ്ങാടിയില്‍ ബസ് എത്തിയപ്പോള്‍ ഇയാള്‍ യുവതിയെ വീണ്ടും ശല്യംചെയ്തു. പെണ്‍കുട്ടി ബഹളമുണ്ടാക്കിയതോടെ നാട്ടുകാര്‍ വിഷയത്തില്‍ ഇടപെടുകയായിരുന്നു. തുടര്‍ന്ന് നാട്ടുകാരും ബസ് ജീവനക്കാരും ചേര്‍ന്നു രാജേഷിനെ പിടികൂടി പൊലീസിന് കൈമാറുകയായിരുന്നു.
