![](https://newsthen.com/wp-content/uploads/2022/03/Terrorist.jpg)
ഗാന്ധിനഗര്: നാല് ഐ.എസ്. ഭീകരര് ഗുജറാത്തിലെ അഹമ്മദാബാദ് വിമാനത്താവളത്തില് പിടിയിലായി. ശ്രീലങ്കന് സ്വദേശികളായ നാല് പേരെയാണ് ഗുജറാത്ത് ഭീകരവിരുദ്ധ സ്ക്വാഡ് (എ.ടി.എസ്.) വിമാനത്താവളത്തില്നിന്ന് അറസ്റ്റ് ചെയ്തത്. ഇവരുടെ ചിത്രങ്ങള് എ.ടി.എസ്. പുറത്തുവിട്ടിട്ടുണ്ട്. കൂടുതല് വിശദാംശങ്ങള് ലഭ്യമായിട്ടില്ല.
തിങ്കളാഴ്ച അഹമ്മദാബാദ് സര്ദാര് വല്ലാഭായ് പട്ടേല് അന്താരാഷ്ട്ര വിമാനത്താവളത്തിലെത്തിയ നാലുപേരെയും എ.ടി.എസ്. അറസ്റ്റ് ചെയ്തതായും പിന്നാലെ ചോദ്യംചെയ്യലിനായി രഹസ്യകേന്ദ്രത്തിലേക്ക് കൊണ്ടുപോയതായും പ്രാദേശിക മാധ്യമങ്ങള് റിപ്പോര്ട്ട് ചെയ്തു.
![Signature-ad](https://newsthen.com/wp-content/uploads/2024/06/signature.jpg)
ഐ.പി.എല്. മത്സരത്തിനായി മൂന്ന് ടീമുകള് അഹമ്മദാബാദില് എത്താനിരിക്കെയാണ് ഐ.എസ്. ഭീകരര് വിമാനത്താവളത്തില്നിന്ന് പിടിയിലാകുന്നത്. എന്നാല്, ഇവര് എന്തിനാണ് എത്തിയതെന്നോ ഇവരുടെ ലക്ഷ്യമെന്തായിരുന്നെന്നോ വ്യക്തമല്ല. സംഭവത്തിന് പിന്നാലെ വിമാനത്താവളത്തില് സുരക്ഷ വര്ധിപ്പിച്ചതായും മാധ്യമങ്ങളുടെ റിപ്പോര്ട്ടുകളിലുണ്ട്.