കുന്നംകുളം:റോഡിലൂടെ നടന്നുപോകുകയായിരുന്ന യുവതിക്ക് നേരെ ലൈംഗികാതിക്രമത്തിന് ശ്രമിച്ചവരെ കുന്നംകുളം പോലീസ് അറസ്റ്റ് ചെയ്തു.
കാണിപ്പയ്യൂർ കറുപ്പത്താട്ടില്‍ വീട്ടില്‍ രാധാകൃഷ്ണൻ (29), പെലക്കാട്ട് പയ്യൂർ കുട്ടൻകുളങ്ങര വീട്ടില്‍ ഷാജൻ (54) എന്നിവരാണ് അറസ്റ്റിലായത്. ഒരാളെക്കൂടി പിടികൂടാനുണ്ട്.
ബുധനാഴ്ച വൈകീട്ട് മൂന്നിന് ചൂണ്ടല്‍ ഗുരുവായൂർ റോഡിലൂടെ നടന്നുപോകുകയായിരുന്ന യുവതിയോട് ബൈക്കിലെത്തിയ ഇവർ ലൈംഗികച്ചുവയോടെ സംസാരിക്കുകയും കൈയില്‍ കയറിപ്പിടിക്കുകയുമായിരുന്നു.
തടയാൻ ശ്രമിച്ച മറ്റൊരു വഴിയാത്രക്കാരനെ പ്രതികള്‍ മർദിക്കാനും ശ്രമിച്ചു. കൂടുതല്‍ നാട്ടുകാരെത്തി രണ്ടുപേരെ കീഴ്പ്പെടുത്തി പോലീസിന് കൈമാറുകയേയിരുന്നു.ഒരാൾ ഓടി രക്ഷപ്പെട്ടു.
